రోగనిరోధక శక్తి పెర‌గాలంటే రోజూ ఇలా చేయాల్సిందే!

Lemon Water Benefits: శరీర శుభ్రత అనేది కేవలం బాహ్యంగానే కాదు అంతర్గతంగా కూడా చాలా ముఖ్యం. దీని కోసం ఖరీదైన చిట్కాలు అవసరం లేదు. ప్రతిరోజూ ఉదయం నిద్రలేవగానే ఖాళీ కడుపుతో ఒక గ్లాసు గోరువెచ్చని నీటిలో నిమ్మరసం కలుపుకుని తాగితే సరిపోతుంది. ఈ అలవాటు వల్ల జీర్ణక్రియ మెరుగుపడటమే కాకుండా శరీరం డిటాక్స్ (విషతుల్యాల తొలగింపు) అవుతుంది. ఆరోగ్యానికి అనేక ప్రయోజనాలు చేకూరుతాయి.

రోగనిరోధక శక్తిని పెంచుతుంది

నిపుణుల అభిప్రాయం ప్రకారం.. ఉదయం ఖాళీ కడుపుతో గోరువెచ్చని నిమ్మరసం తాగడం వల్ల అనేక ఉపయోగాలు ఉన్నాయి. ఇది శరీర రోగనిరోధక శక్తిని బలోపేతం చేస్తుంది. నిమ్మకాయలో విటమిన్-సి పుష్కలంగా ఉంటుంది. ఇది శరీర రక్షణ వ్యవస్థను చురుగ్గా ఉంచుతుంది. జలుబు, దగ్గు వంటి అనారోగ్యాల నుండి రక్షిస్తుంది. ఇది బరువు తగ్గడానికి కూడా ఎంతో ప్రభావవంతంగా పనిచేస్తుంది. గోరువెచ్చని నిమ్మరసం జీర్ణక్రియను వేగవంతం చేసి, మెటబాలిజంను పెంచుతుంది. తద్వారా శరీరంలో పేరుకుపోయిన అదనపు కొవ్వును తగ్గించడంలో సహాయపడుతుంది. బరువు తగ్గాలనుకునే వారికి ఇది ఒక సులభమైన మార్గం.

Also Read: నేటి నుంచి సీఎం రేవంత్ జిల్లాల పర్యటన

కడుపు ఉబ్బరం నుండి ఎసిడిటీ వరకు చెక్

దీనిని క్రమం తప్పకుండా తీసుకోవడం వల్ల కడుపు ఉబ్బరం, గ్యాస్, అజీర్ణం వంటి సమస్యలు దూరంగా ఉంటాయి. ఇది కాలేయానికి (లివర్) కూడా చాలా మంచిది. నిమ్మరసం కాలేయాన్ని శుభ్రపరచడంలో (డిటాక్స్) సహాయపడుతుంది. ఉదయం ఖాళీ కడుపుతో దీనిని తాగడం వల్ల కాలేయం తనలోని విషతుల్యాలను సులభంగా బయటకు పంపగలుగుతుంది. తద్వారా అది ఆరోగ్యంగా, దృఢంగా ఉంటుంది.

అంతేకాకుండా ఇది చర్మ ఆరోగ్యానికి కూడా మేలు చేస్తుంది. నిమ్మకాయలోని యాంటీ ఆక్సిడెంట్లు, విటమిన్-సి చర్మాన్ని శుభ్రంగా, కాంతివంతంగా మారుస్తాయి. ఇది మొటిమలను తగ్గించడమే కాకుండా మచ్చలను తేలికపరిచి చర్మం యవ్వనంగా ఉండటానికి తోడ్పడుతుంది. దీనిని రోజూ తాగడం వల్ల ముఖం మెరిసిపోతుంది. చర్మం సహజంగానే ఆరోగ్యంగా కనిపిస్తుంది.

ఎలా తీసుకోవాలి?

ఈ చిట్కాను తయారు చేయడం చాలా సులభం. ఒక గ్లాసు గోరువెచ్చని నీటిలో సగం నిమ్మకాయ రసాన్ని కలపండి. రుచి కోసం కొద్దిగా తేనె కూడా కలుపుకోవచ్చు. కానీ చక్కెరను మాత్రం నివారించండి. గుర్తుంచుకోవాల్సిన విషయం ఏమిటంటే.. నీరు మరీ వేడిగా ఉండకూడదు. కేవలం గోరువెచ్చగా ఉంటే సరిపోతుంది.