Amla : ప్రతిరోజు ఉసిరికాయ తినడం వల్ల కలిగే ప్రయోజనాల గురించి మీకు తెలుసా?

Mixcollage 26 Jan 2024 02 50 Pm 7416

ఉసిరికాయ వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. ఉసిరికాయకు ఆరోగ్యపరంగా, ఆధ్యాత్మికంగా ఎంతో ప్రాముఖ్యత ఉంది. వీటిలో అనేక రకాల ఔషధ గుణాలను కలిగి ఉంటుంది. మతపరమైన ఆచారాలలో కూడా ఉసిరికాయ ఉపయోగిస్తారు. ఉసిరికాయలో మినరల్స్, విటమిన్లు అధికంగా ఉంటాయి. ఇవి వివిధ రకాల వ్యాధుల నుండి రక్షిస్తాయి. ముఖ్యంగా ఉసిరి రసంలో విటమిన్ సి పుష్కలంగా ఉంటుంది, ఇది మన రోగనిరోధక శక్తిని పెంచుతుంది. జలుబు, దగ్గుకు కారణమయ్యే బ్యాక్టీరియా నుండి మనలను రక్షిస్తుంది. ఇది జీర్ణక్రియకు మెరుగుపరచడంతో పాటు, చర్మ సౌందర్యాన్ని ప్రోత్సహిస్తుంది. జుట్టును బలపరుస్తుంది.

అలాగే దృష్టిని కూడా మెరుగుపరుస్తుంది. పుల్లటి రుచిని కలిగి ఉన్నందున, కొంతమందికి ఇది అసహ్యకరమైనదిగా అనిపించవచ్చు. కానీ, ఖాళీ కడుపుతో ఉసిరి రసం తాగితే మన ఆరోగ్యానికి అద్భుతంగా పనిచేస్తుంది. కేవలం ఇవి మాత్రమే కాకుండా ఉసిరికాయ ప్రతిరోజు తినడం వల్ల ఇంకా ఎన్నో రకాల ప్రయోజనాలు ఉన్నాయి. ఉసిరికాయ బెర్రీజాతికి చెందిన పండు. ఇందులో యాంటీ ఆక్సిడెంట్లు పుష్కలంగా ఉంటాయి. దీంట్లో ఉండే విటమిన్లు, మినరల్స్.. శరీరానికి ఎంతో ఆరోగ్యాన్ని అందిస్తాయి. అందుకే ఉసిరికాయను మనం రోజూ ఆహారంలో భాగంగా చేసుకోవాలి. ఉసిరికాయను అనేక ఆయుర్వేద మందుల్లో కూడా ఉపయోగిస్తారు. ఉసిరికాయకు ఆయుర్వేద మందుల్లోనూ మంచి ప్రాధాన్యత ఉంది. ఉసిరికాయను నిత్యం తీసుకుంటే డయాబెటిస్ రోగులకు చాలా మేలు చేస్తుంది.

రక్తంలో ఉండే షుగర్ లేవల్స్ ను ఉసిరికాయ కంట్రోల్ లో ఉంచుతుంది. అలాగే ఉసిరికాయలో ఉండే ఫైబర్ శరీరంలో వెంటనే కరిగిపోవడం వల్ల ఎన్నో సమస్యలకు చెక్ పెట్టే అవకాశం ఉంటుంది. ఉసిరికాయలో ఉండే విటమిన్ సీ శరీరంలోని ఇతర పోషకాలను కూడా గ్రహించడంలో ఎంతో సాయపడుతుంది. విటమిన్ సీ పుష్కలంగా ఇందులో ఉండటం వల్ల కొన్ని అనారోగ్య సమస్యలు వెంటనే నయం అవుతాయి. ఉసిరిలో విటమిన్ ఏ కూడా పుష్కలంగా ఉంటుంది. ఇది కంటి ఆరోగ్యాన్ని బాగా మెరుగుపరుస్తుంది. కళ్లలో వచ్చే ఎటువంటి సమస్యలను అయినా ఉసిరి చెక్ పెడుతుంది. అలాగే ప్రస్తుత తరుణంలో మనిషికి కావాల్సిన రోగ నిరోధక శక్తిని ఉసిరి అందిస్తుంది. అందుకే ఉసిరిని రోజూ ఆహారంలో భాగంగా చేసుకుంటే కావాల్సినంత రోగ నిరోధక శక్తి లభిస్తుంది. ఉసిరికాయ యాంటీ బాక్టీరియల్, యాంటీ ఇన్ఫ్లమేటరీ లక్షణాలను కలిగి ఉండటం వల్ల శరీరంలో ఉండే ఫ్రీ రాడికల్స్ ను నాశనం చేస్తాయి. అలాగే ఉసిరి మెదడు పనితీరును మెరుగుపరుస్తుంది.