అసలే మళ్లీ కరోనా (Corona) వ్యాప్తి మొదలైంది. ఈ టైంలో మీకు దగ్గు (Cough) వస్తుందా? అయితే ఆ దగ్గు చలి వాతావరణం వల్ల వచ్చిందో.. కరోనా కొత్త వేరియంట్ Omicron BF.7 వల్ల వచ్చిందో.. తెలుసుకోలేక సతమతం అవుతున్నారా ? మీరు ఈ కథనాన్ని చదివితే దీనికి సంబంధించిన చాలా సందేహాలను నివృత్తి చేసుకుంటారు.
కరోనా మహమ్మారి మళ్ళీ ప్రకంపనలు సృష్టిస్తోంది. కొవిడ్ యొక్క కొత్త సబ్ వేరియంట్ Omicron BF.7 వల్ల చైనాలో కరోనా కేసులు పెరిగాయి. ఆసుపత్రులు కరోనా రోగులతో నిండిపోతున్నాయి. అదే సబ్‌వేరియంట్ మన దేశంలో ఇప్పటివరకు నలుగురికి సోకింది. అయితే ఆరోగ్య అధికారులు మరియు నిపుణులు ఇంకా భయపడాల్సిన అవసరం లేదని చెబుతున్నారు.
Omicron BF.7 అనేది తక్కువ ఇంక్యుబేషన్ పీరియడ్‌తో అత్యంత వేగంగా వ్యాపించే కరోనా (Corona) వేరియంట్. ఇప్పటికే కరోనా టీకాలు తీసుకున్న వ్యక్తులకు కూడా ఇది సోకుతుంది. RT-PCR పరీక్షలలో కూడా దీన్ని గుర్తించడం కష్టం. పిల్లలు, వృద్ధులు, గర్భిణీ స్త్రీలు వంటి టీకాలు వేయని, బలహీనమైన రోగనిరోధక శక్తిని కలిగి ఉన్న వ్యక్తులను ఇది ప్రభావితం చేస్తుంది.
టీకాలు వేసిన వ్యక్తులు వ్యాధి సోకినప్పుడు స్వల్ప లక్షణాలు మాత్రమే కలిగి ఉంటారని వైద్య నిపుణులు చెబుతున్నారు. Omicron BF.7 కరోనా వేరియంట్ సోకే వారిలో కనిపించే లక్షణాల్లో జ్వరం, దగ్గు, గొంతు నొప్పి, బలహీనత, వికారం మరియు విరేచనాల వంటివి ఉన్నాయి. వీటికి తోడు మునుపటి కోవిడ్ ఇన్‌ఫెక్షన్‌ను పోలిన లక్షణాలు కూడా ఉంటాయి.
దగ్గు (Cough) సంగతేంటి?
కోవిడ్ రోగులలో అత్యధికులు పొడి దగ్గును కలిగి ఉంటారని వైద్య నిపుణులు చెబుతున్నారు. ఇది స్వల్పంగా ప్రారంభమవుతుంది కానీ కొన్ని వారాల వ్యవధిలోనే బాగా పెరుగుతుంది. ఫలితంగా, ఇది ఛాతీ బిగుతు మరియు శ్వాస తీసుకోవడంలో ఇబ్బందులు వంటి ఇతర సమస్యలను సృష్టిస్తుంది. ఇలాంటి వారు వెంటనే బహిరంగ ప్రదేశాలకు వెళ్లడాన్ని పరిమితం చేయాలి. వెంటనే వైద్య పరీక్షలు చేయించుకోవాలి.కొంతమందిలో కొవిడ్ లక్షణాలు బయటపడవని వైద్య నిపుణులు చెప్పారు.
జలుబు (Cold) విషయం:
కొవిడ్ సోకిన వారికి జలుబుతో (Cold) పాటు గొంతు నొప్పి కూడా ఉండే ఛాన్స్ ఉంటుంది. దీనివల్ల చిరాకు అనుభూతి కలుగుతుంది. ముక్కు కారటం, ఫిట్స్, తేలికపాటి నుండి మితమైన జ్వరం మరియు శ్వాస ఆడకపోవడం వంటి ఇతర లక్షణాలు కూడా కరోనా సోకిన వారిలో కనిపిస్తాయి.
అలసటగా ఉంటే:
కరోనా సోకిన వారిలో విపరీతమైన అలసట ఉంటుంది. ఇది వారిలో బలహీనతకు దారితీస్తుంది.
కోవిడ్ ఇన్‌ఫెక్షన్ శరీరం యొక్క రక్షణ శక్తిని తక్షణమే బలహీనపరుస్తుంది. రోజువారీ కార్యకలాపాలను కూడా కష్టతరం చేస్తుంది.
ముక్కు కారటం:
ముక్కు కారటం అనేది BF.7 కరోనా వేరియంట్ సోకిన వారిలో కనిపించే మరొక లక్షణం. ముక్కు వాసన చూడలేని పరిస్థితికి వస్తుంది.
Also Read: 5G Services : విమానాశ్రయానికి సమీపంలో ఉండే వారికి 5జీ సేవలు ఇప్పట్లో లేనట్టే!