మునగ కాయలు, మునగాకు వల్ల ఎన్నో రకాల ప్రయోజనాలు ఉన్నాయన్న సంగతి మనందరికీ తెలిసిందే. కానీ చాలామంది మునగాకు లేదా మునగ కాయలను తినడానికి అంతగా ఇష్టపడరు. కొంతమంది మునగ కాయలు తింటే మునగాకుని తినడానికి ఎంతగా ఇష్టపడరు. కానీ చాలామందికి తిరిగిన విషయం ఏమిటంటే మునగ కాయలతో పాటుగా మునగ ఆకులో కూడా ఎన్నో రకాల ఔషధ గుణాలు. మనకు మార్కెట్లో అప్పుడప్పుడు మునగ ఆకులు కూడా అమ్ముతూ ఉంటారు. విదేశాలలో కూడా మునగాకును ఎన్నో విధాలుగా ఉపయోగిస్తున్నారు. మునగ ఆకుతో పోలిస్తే కాయల్లో విటమిన్లు ఖనిజాలు తక్కువగా ఉంటాయి.
మునగ ఆకుల్లో విటమిన్ సి పుష్కలంగా లభిస్తుంది. ప్రతిరోజు మునగాకుని తీసుకోవడం వల్ల ఎన్నో రకాల ప్రయోజనాలు ఉన్నాయి. మునగాకుల్లో విటమిన్స్, ఎమినో యాసిడ్స్, మినరల్స్ సమృద్ధిగా ఉంటాయి. క్యారెట్లు తింటే మాత్రమే వచ్చే విటమిన్ ఎని పది రెట్లు అధికంగా మునగాకు ద్వారా పొందొచ్చు. కళ్ల వ్యాధులకు సంబంధించిన మెడిసిన్‌లో మునగాకును వాడతారు. పాల నుంచి లభించే క్యాల్షియం 17 రెట్లు అధికంగా మునగాకు నుంచి వస్తుంది. మునగాకుల్లో యాంటీ ఆక్సిడెంట్లు పుష్కలంగా లభిస్తాయి. యాంటీ ఆక్సిడెంట్లు మీ శరీరంలోని ఫ్రీ రాడికల్స్‌కు వ్యతిరేకంగా పనిచేసే సమ్మేళనాలు.
ఇది గుండె జబ్బులు, టైప్ 2 డయాబెటిస్ వంటి దీర్ఘకాలిక వ్యాధులతో పోరాడుతుంది. విటమిన్ సి, బీటా కెరోటిన్‌లు అధిక మొత్తంలో ఉంటాయి. ఈ శక్తివంతమైన యాంటీఆక్సిడెంట్ రక్తపోటును తగ్గించడంలో సహాయపడుతుంది. మూడు నెలల పాటు ప్రతిరోజూ 1.5 టీస్పూన్లు మునగాకు పొడిని తీసుకోవడం వల్ల రక్తంలోని యాంటీ ఆక్సిడెంట్ స్థాయిలు గణనీయంగా పెరుగుతాయి. అలాగే బ్లడ్ షుగర్ స్థాయిలను తగ్గించవచ్చు. రక్తంలో చక్కెర స్థాయిలు అధికంగా ఉంటే తీవ్రమైన ఆరోగ్య సమస్యలకు దారి తీస్తుంది. మునగాకు రక్తంలో చక్కెర స్థాయిలను తగ్గించడంలో సహాయపడుతుంది. కొలెస్ట్రాల్ ను కూడా తగ్గిస్తుంది. అధిక కొలెస్ట్రాల్ కలిగి ఉండటం వల్ల గుండె జబ్బులు వచ్చే ప్రమాదం ఎక్కువగా ఉంటుంది. అదృష్టవశాత్తూ, అనేక మొక్కల ఆహారాలు కొలెస్ట్రాల్‌ను సమర్థవంతంగా తగ్గిస్తాయి. వీటిలో అవిసె గింజలు, వోట్స్, బాదం ఉన్నాయి. మునగాకు కొలెస్ట్రాల్ తగ్గించే ప్రభావాన్ని కలిగి ఉంటుంది..