మన వంటింట్లో ఉండి ఆకుకూరల్లో పుదీనా కూడా ఒకటి. ఇది మంచి సువాసనను కలిగి ఉండటంతో పాటు ఘాటైన వాసనను కలిగి ఉంటుంది. పుదీనా ఆరోగ్యానికి ఎంతో మేలు చేస్తుంది. ఈ పుదీనాను ఉపయోగించి చాలా రకాల వంటలు కూడా తయారు చేస్తూ ఉంటారు. పుదీనాను ఉపయోగించడం వల్ల అనేక రకాల ప్రయోజనాలను కూడా పొందవచ్చు. ముఖ్యంగా పుదీనాతో తయారు చేసిన వాటిని తినడం వల్ల అనేక రకాల అనారోగ్య సమస్యలకు చెక్ పెట్టవచ్చట. పుదీనా టీ తాగడం వల్ల కూడా అనేక రకాల ప్రయోజనాలు ఉన్నాయి అంటున్నారు. మరి ఉదయాన్నే పుదీనా టీ తాగితే ఏం జరుగుతుందో, ఇలాంటి ఫలితాలు కలుగుతాయో ఇప్పుడు మనం తెలుసుకుందాం..
కడుపు నొప్పి అపాన వాయువు వంటి సమస్యల నుంచి ఉపశమనం పొందడానికి ఈ టీ ఎంతో అద్భుతంగా ఉపయోగపడుతుందట. పొట్ట సమస్య నుంచి ఉపశమనం లభిస్తుందట. ఉదయాన్నే ఖాళీ కడుపుతో పుదీనా టీ తాగటం వల్ల మీలో రోగనిరోధక శక్తి పెరుగుతుందట. ఇది యాంటీ బాక్టీరియల్, యాంటీ వైరల్, యాంటీ ఇన్ఫ్లమేటరీ లక్షణాలను కలిగి ఉందని, ఇవన్నీ రోగనిరోధక వ్యవస్థకు సహాయపడతాయని చెబుతున్నారు. అలాగే పుదీనా టీ తో ఈజీగా బరువు తగ్గవచ్చట. చక్కెర వేసి తయారు చేసిన టీ, కాఫీలు తాగే బదులు క్యాలరీలు లేని పిప్పరమెంటు టీ తాగడం వల్ల మీ రక్తంలో చక్కెర స్థాయిలు మరింత స్థిరంగా ఉంటాయట. ప్రతిరోజు ఉదయం పుదీనా టీ తాగడం వల్ల జీర్ణవ్యవస్థ మెరుగుపడుతుందట. అజీర్ణం, గ్యాస్‌ , మలబద్ధకం వంటి సమస్యలు కూడా తగ్గుతాయని చెబుతున్నారు.
అంతే కాకుండా పుదీనా లోని మెంథాల్ అనే పదార్థం కడుపులో వాయువును తగ్గించడంలో సహాయపడుతుంది. పుదీనా టీ తలనొప్పి, మైగ్రేన్ నొప్పులను తగ్గించడంలో సహాయపడుతుందట. శ్వాస మార్గాలను కూడా శుభ్రపరుస్తుందట. శ్వాసకోశ సమస్యలను కూడా తగ్గిస్తుందట. పుదీనా ఒత్తిడిని తగ్గించి, మనస్సును ప్రశాంతంగా ఉంచడానికి సహాయపడుతుందని, పుదీనా యాంటీ ఆక్సిడెంట్లు చర్మాన్ని రక్షిస్తాయని దీని వల్ల చర్మంపై ముడతలు పడకుండా ఉంటాయని చెబుతున్నారు. పుదీనా లోని యాంటీ బ్యాక్టీరియల్ గుణాలు రోగనిరోధక శక్తిని పెంచుతాయని చెబుతున్నారు. అలాగే అలర్జీ వంటి సమస్యల నుంచి ఉపశమనం లభిస్తుందట. పుదీనా ఆకుల నుంచి విడుదల సహజ మెంథాల్ నూనె ఆవిరి తల కండరాలను సడలించడంలో సహాయపడుతుందట. ఉదయాన్నే పుదీనా టీ తాగడం వల్ల అనేక ప్రయోజనాలను పొందవచ్చు. కాబట్టి పుదీనా టీ తాగడం అలవాటు చేసుకోండి..