Jeera: జీరాలో ఎన్ని బెనెఫిట్స్ ఉన్నాయో తెలుసా?

ఇప్పుడు లైఫ్ స్టైల్ మారింది.. ఫుడ్ హ్యాబిట్స్ మారాయి. దీనివల్ల చాలామంది ఈజీగా బరువు పెరుగుతున్నారు. పెరగడం పెరిగిపోతున్నారు.. కానీ తగ్గడానికి మాత్రం నానాతంటాలు పడుతున్నారు.
ఈ బరువుని తగ్గించుకోవడానికి డైటింగ్, ఎక్సర్‌సైజ్‌లు చేయడం మొదలు పెడతారు. అలా బరువు తగ్గాలని అనుకునే వారికి జీలకర్ర టీ ఓ వరం అనే చెప్పాలి. వాము, జీలకర్రతో చేసిన ఈ టీని మూడు నెలల పాటు డైలీ తీసుకోవడం వల్ల మంచి ఫలితాలు పొందవచ్చు.
జీరా టీ వల్ల ఇలా బరువు తగ్గొచ్చు..
రోజూ ఆహారంలోకి జీలకర్ర తీసుకోవడంతోపాటు, వాటిని జ్యూస్ చేసి తాగడం వలన శరీరంలోని కొవ్వు తగ్గుతుంది. తాజాగా ఓ సంస్థ నిర్వహించిన అధ్యయనంలో ఈ విషయం వెలువడింది. ఆ సంస్థ వారు 80 మంది మహిళలను రెండు గ్రూపులుగా విడదీశారు. అందులో కొంత మంది జీలకర్రను ఉపయోగించగా.. మిగతావారు ఇతర డైట్ కంట్రోల్‏ను వాడారు. ఇందులో ఇతర డైట్ వాడినవారి కంటే జీలకర్రను వాడినవారు త్వరగా బరువు తగ్గినట్లు తేలింది.

జీలకర్రను డైలీ ఉపయోగించిన వారికి బరువు తగ్గడంతో పాటు.. రక్తం మొత్తం శుభ్రమవుతుంది. అంతేకాదు శరీరంపై ఉన్న ముడతలు పోయి యవ్వనంగా కనిపిస్తారు. ఎముకలు బలంగా తయారవుతాయి. కీళ్లు, మోకాళ్ల నొప్పులు తగ్గిపోతాయి.
కంటి చూపు మెరుగవుతుంది. పళ్లు, చిగుళ్లు బలంగా ఆరోగ్యంగా తయారవుతాయి. మలబద్ధకాన్ని కూడా తగ్గిస్తుంది. రక్తప్రసరణ, గుండె పనితీరు మెరుగవుతుంది. దీర్ఘకాలికంగా దగ్గుతో బాధపడుతున్న వారికి ఇది చక్కటి ఔషధంగా పనిచేస్తుంది.
జీరా టీ తయారీ విధానం..
ఒక గ్లాస్ నీటిలో అర టీస్పూన్ వాము, ఒక టీస్పూన్ జీలకర్ర వేసి రెండు గంటల పాటు నానబెట్టాలి. ఆ తర్వాత ఐదు నిమిషాల పాటు మరిగించాలి. వేడి చేసిన నీటిని వడకట్టి నాలుగు చుక్కలు నిమ్మరసం వేసుకుని తాగాలి. రుచి కోసం అల్లం లేదా పుదీనా ఆకులు కూడా కలుపుకోవచ్చు. నిమ్మ రసం రుచి నచ్చకపోతే ఒక టీస్పూన్ తేనె కూడా కలుపుకోవచ్చు. కేవలం బరువు తగ్గడంలోనే కాకుండా ఈ వాము, జీలకర్ర టీతో ఇంకా చాలా రకాలు ప్రయోజనాలు ఉన్నాయి. వాము, జీలకర్ర పొడిని మూడు నెలల పాటు ప్రతిరోజు తీసుకోవడం వల్ల శరీరంలో పేరుకుపోయిన విషపదార్థాలు మల, మూత్ర, చెమట ద్వారా బయటకొచ్చేస్తాయి. దీంతో జీర్ణక్రియ సరిగా పనిచేస్తుంది.
ఇలా కూడా వాడొచ్చు..
జీలకర్ర రోజూ తినడం వల్ల జీర్ణవ్యవస్థ మెరుగుపడి పేగులను ఆరోగ్యకరంగా ఉంచుతుంది. ఇందులో ఐరన్ ఉండడం వల్ల మన శరీరానికి కావాల్సిన ఐరన్ శక్తిని అందిస్తుంది. వీటితోపాటు శరీరంలో ఉండే కొలెస్ట్రాల్‏ను బయటకు పంపుతుంది. శరీరంలో మంటను తగ్గించి, బరువు తగ్గడానికి సహాయపడుతుంది.
ఒక టీస్పూన్ జీలకర్రను ఒక టీస్పూన్ పెరుగుతో కలిపాలి. ఆ మిశ్రమాన్ని ప్రతిరోజు భోజనం చేసిన తర్వాత తినాలి. ఇలా కనీసం 15 రోజులు చేసినా.. క్రమంగా బరువు తగ్గుతారు. రాత్రి సమయంలో జీలకర్రను నానబెట్టి.. ఉదయాన్నే మరిగించాలి. ఆ తర్వాత ఆ మిశ్రమాన్ని వడకట్టి తాగాలి. అందులో కాస్త నిమ్మకాయ కలిపి తాగితే రుచి బాగుంటుంది. ఇలా 2 వారాల పాటు చేస్తే బరువు తగ్గొచ్చు.