క్యారెట్ వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. క్యారెట్ ఆరోగ్యానికి ఎంతో మేలు చేస్తుంది. ఇది అందానికి కూడా ఎంతో బాగా ఉపయోగపడుతుంది. ఇందులో విటమిన్ సి పుష్కలంగా లభిస్తుంది. అలాగే విటమిన్ ఏ కూడా ఎక్కువగా ఉంటుంది. అయితే ఈ క్యారెట్ నువ్వు జ్యూస్ రూపంలో లేదా పచ్చిగా లేదంటే కూరల రూపంలో తీసుకున్న కూడా మంచే జరుగుతుందని చెబుతున్నారు ఆరోగ్య నిపుణులు. మరి ముఖ్యంగా జ్యూస్ చేసి తీసుకోవడం వల్ల బాడీలో ఇమ్యూనిటీ పవర్ పెరుగుతుందట. ఇలా చేస్తే ఇన్ఫెక్షన్లు రాకపోవడంతో పాటు అనారోగ్య సమస్యలు కూడా దరి చేరవని చెబుతున్నారు. అనేక ఇన్ఫెక్షన్లు రాకుండా విటమిన్ సి కాపాడుతుంది.
ముఖ్యంగా ఉదయం సమయంలో రోజూ ఒక గ్లాసు క్యారెట్ జ్యూస్ తాగడం వల్ల అలసట లేకుండా యాక్టివ్‌గా ఉంటారు. శరీరంలో ఉండే చెడు కొలెస్ట్రాల్, వ్యర్థాలను తొలగించడంలో కూడా క్యారెజ్ జ్యూస్ బాగా ఉపయోగపడుతుందట. క్యారెట్ లోని ఫైబర్ జీర్ణ సమస్యలను కూడా తగ్గిస్తుందని చెబుతున్నారు. ఇందులో బీటా కెరోటిన్ పుష్కలంగా ఉంటుంది. ఇది కంటి చూపును మెరుగుపరుస్తుందట. అలాగే ఎలాంటి కంటి సమస్యలు రాకుండా కూడా చేస్తుందని చెప్తున్నారు. క్యారెట్‌లో బీటా – కెరోటిన్ పుష్కలంగా ఉంటుంది. వీటిని మన మానవ శరీరం విటమిన్- ఎ కిందకు మార్చుకుంటుంది. ఇది శక్తివంతమైన యాంటీ ఆక్సిడెంట్‌గా పని చేస్తుంది. ఇది ఇమ్యూనిటీని బూస్ట్‌ చేస్తుంది.
క్యారెట్ లో ఉండే విటమిన్ సి ఇమ్యూనిటీని బూస్ట్‌ చేస్తుంది. ఇన్ఫెక్షన్ల నుంచి శరీరాన్ని రక్షిస్తుంది. అలాగే శీతాకాలంలో ఎక్కువగా వేధించే జలుబు, దగ్గు, ఫ్లూ వంటి సమస్యల నుంచి కూడా రక్షిస్తుంది. ఈ సీజన్‌ లో రోజూ క్యారెట్ జ్యూస్ తాగితే ఆరోగ్యంగా ఉంటారట. క్యారెట్‌లో ఉండే పోషకాలు చర్మ సౌందర్యాన్ని పెంచడంలో బాగా ఉపయోగపడతాయట. రోజూ ఈ జ్యూస్ తాగడం వల్ల చర్మం కాంతివంతంగా మెరుస్తుందట. క్యారెట్ లోని విటమిన్ సి, యాంటీ ఆక్సిడెంట్లు కొల్లాజెన్‌ ను ఉత్పత్తి చేస్తాయట. ఇవి చర్మం నేచురల్‌గా కాంతివంతంగా ఉండేలా చేస్తాయట. చర్మం మృదువుగా ఉండటంతో పాటు ఎలాంటి ముడతలు, మొటిమలు లేకుండా చేస్తుంది. యవ్వనంగా కనిపించే చర్మాన్ని ఇస్తుంది. మొటిమలను కూడా తొలగిస్తుందని చెబుతున్నారు. కాగా ఉదయాన్నే క్యారెట్ జ్యూస్ తాగడం వల్ల మీ శరీరానికి నేచురల్ గ్లో వస్తుందని చెబుతున్నారు. ఇందులోని ఫైబర్ వల్ల కడుపు నిండిన ఫీలింగ్ కలుగుతుంది. దీంతో చిరు తిండ్లు తినకుండా ఉంటారు. ఇది బరువు తగ్గడానికి బాగా ఉపయోగపడుతుంది. క్యారెట్‌లో పొటాషియం అధిక మొత్తంలో ఉంటుంది. ఇది మెదడు పనితీరును మెరుగుపరచడంతో పాటు జ్ఞాపకశక్తిని పెంచుతుందని ఆరోగ్య నిపుణులు చెబుతున్నారు.