Green Chilies: మన వంటింట్లో దొరికే కాయగూరలలో పచ్చిమిర్చి కూడా ఒకటి. ప్రతి ఒక్క కూరల తయారీలో పచ్చిమిర్చిని ఉపయోగిస్తూ ఉంటారు. పచ్చిమిర్చి కూరకు రుచిని పెంచడంతోపాటు ఎన్నో రకాల ప్రయోజనాలను కలిగిస్తుంది. ఇది రుచికి కారంగా అనిపించినప్పటికి అనేక లాభాలను కలిగిస్తుందని చెబుతున్నారు. పచ్చిమిరపకాయలలో విటమిన్ సి, విటమిన్ ఎ, బీటా కెరోటిన్, ఐరన్, పొటాషియం ఉంటాయి. ఇందులో ఉండే కాప్సైసిన్ అనే మూలకం పచ్చిమిర్చి ఘాటుగా ఉండేలా చేస్తుందట.
ఇది శరీరానికి అనేక విధాలుగా ప్రయోజనం అందిస్తుందని చెబుతున్నారు. పచ్చిమిరపకాయలో ఉండే క్యాప్సైసిన్ శరీరంలోని చెడు కొలెస్ట్రాల్ ను తగ్గిస్తుందని ఎన్నో పరిశోధనలు తెలిపాయి. మంచి కొలెస్ట్రాల్ పోకుండా కాపాడుతుందట. రక్త ప్రసరణను మెరుగుపరిచి ధమనులలో పేరుకుపోయిన కొవ్వును తగ్గిస్తుందట..
పచ్చిమిర్చిలో ఉండే యాంటీ ఆక్సిడెంట్లు శరీరంలో వాపును తగ్గిస్తాయట. వాపు గుండె జబ్బులకు ప్రధాన కారణమని భావిస్తారు. కాబట్టి ఇది గుండె ఆరోగ్యానికి మేలు చేస్తుందట. పచ్చిమిరపకాయలు గుండెకు మాత్రమే కాదు క్యాన్సర్ నుంచి కూడా శరీరానికి రక్షిస్తాయట. ఇందులో ఉండే యాంటీ ఆక్సిడెంట్లు ఫ్రీ రాడికల్స్‌ ను తొలగిస్తాయట. క్యాప్సెసిన్ కొన్ని రకాల క్యాన్సర్ కణాల పెరుగుదలను నిరోధిస్తుందని చెబుతున్నారు.
పచ్చిమిర్చిలో ఉండే పొటాషియం రక్తపోటును నియంత్రించడంలో సహాయపడుతుందట. దీనిలోని ఫైబర్, యాంటీ ఆక్సిడెంట్లు చెడు కొలెస్ట్రాల్ ను తగ్గించి మంచి కొలెస్ట్రాల్ పెంచుతాయని చెబుతున్నారు. పచ్చిమిర్చిలో కేలరీలు తక్కువగా ఉంటాయి. ఫైబర్ ని కలిగి ఉంటాయి. దీనివల్ల ఇది ఎక్కువ కాలం కడుపు నిండిన అనుభూతిని కలిగిస్తుందట. తద్వారా బరువును నియంత్రించడంలో సహాయపడుతుందని చెబుతున్నారు. పచ్చిమిర్చి గుండెకు మంచిదట. కానీ ఎక్కువగా తింటే నష్టం కూడా కలుగుతుందట. ఇది కడుపులో మంట, ఎసిడిటీ, పుండ్లకు కారణం కావచ్చని, అందువల్ల ఎల్లప్పుడూ సమతుల్య పరిమాణంలోనే తీసుకోవాలని చెబుతున్నారు.
Green Chilies: ఏంటి నిజమా.. పచ్చిమిర్చి తింటే గుండెపోటు ప్రమాదం తగ్గుతుందా?
Green Chilies