Sprouted Fenugreek: మొలకెత్తిన మెంతులు తినడం వల్ల కలిగే ఆరోగ్య ప్రయోజనాలు..!

గుండె ఆరోగ్యానికి మేలు చేస్తుంది:

మొలకెత్తిన మొలకలలో.. పొటాషియం మెండుగా ఉంటుంది. ఇది హైపర్‌టెన్షన్‌ను కంట్రోల్‌లో ఉంచుతుంది. అధిక కొలెస్ట్రాల్‌ను కరిగిస్తుంది, రక్తంలో కొలెస్ట్రాల్‌ను నియంత్రించడంలోనూ సహాయపడుతుంది. ఇవి గుండె పోటు ప్రమాదాన్ని తగ్గిస్తాయి, గుండె ఆరోగ్యానికి మేలు చేస్తాయి.

ఫ్రీరాడికల్స్‌తో పోరాడుతుంది:

మొలకెత్తే ప్రక్రియ మెంతిలోని పోషక విలువలను పెంచుతుంది. వీటిలోని పోషకాలు మీ కండరాలు, కీళ్లను ఆరోగ్యంగా ఉంచుతాయి. మొలకెత్తిన మెంతులలో శరీరానికి అవసరమైన పోషకాలు, విటమిన్లు మెండుగా ఉంటాయి. మెలకెత్తిన మెంతులలోని గెలాక్టోమన్నన్‌.. మిమ్మల్ని ఎక్కువసేపు నిండుగా ఉంచుతుంది. అలాగే వీటిలో యాంటీఆక్సిడెంట్లు మెండుగా ఉంటాయి, ఇవి శరీరంలో ఫ్రీ రాడికల్స్ ఏర్పడకుండా రక్షిస్తాయి, ఫ్రీ రాడికల్స్‌తోనూ పోరాడతాయి.

జీర్ణక్రియను మెరుగుపరుస్తుంది:

మెలకెత్తిన మెంతి గింజలు తీసుకుంటే.. జీర్ణక్రియ మెరుగుపడుతుంది. ఇవి జీర్ణక్రియ వేగంగా, సులభంగా జరిగేలా సహాయపడతాయి. మొలకెత్తిన మెంతులు ప్యాంక్రియాస్‌లో బీటా కణాల ఏర్పాటును మెరుగుపరుస్తాయి. ఇవి తరచుగా తీసుకుంటే.. అసిడిటీ, అపానవాయువు, విరేచనాలు, అజీర్తి వంటి సమస్యలు పరిష్కారం అవుతాయి.

Also Read:  High Speed Journey: హైస్పీడ్ రైలు వచ్చేస్తోంది.. ఇక హైదరాబాద్ – వైజాగ్ జర్నీ నాలుగు గంటలే..!