ఇటీవల కాలంలో బ్లాక్ రైస్ ల వాడకం కూడా విపరీతంగా పెరిగిపోయింది. వైట్ రైస్ కి బదులుగా చాలా మంది బ్లాక్ రైస్ తింటున్నారు. ఈ బ్లాక్ రైస్ బరువును తగ్గించడంతోపాటు మెటబాలిజంను పెంచుతుంది. ఇందులో ఖనిజాలు పుష్కలంగా ఉంటాయి. అలాగే ఈ బ్లాక్ రైస్ షుగర్ ని కంట్రోల్ లో ఉంచుతుంది. మరి బ్లాక్ రైస్ ని ప్రతిరోజు డైట్ లో చేర్చుకుంటే ఏం జరుగుతుందో ఎలాంటి ఫలితాలు కలుగుతాయో ఇప్పుడు మనం తెలుసుకుందాం.. బ్లాక్ రైస్ లో యాంటీ ఆక్సిడెంట్లు పుష్కలంగా ఉంటాయి. ఎక్కువ మోతాదులో ఆంథోనిసైనిన్స్‌ ఉండటం వల్ల ఇది సెల్ డ్యామేజ్ కాకుండా మన శరీరాన్ని కాపాడుతుందట.
అంతేకాకుండా ఫ్రీ ర్యాడికల్ డ్యామేజ్ నుంచి కూడా నివారిస్తుందని, బ్లాక్ రైస్ లో మన శరీరానికి కావలసిన విటమిన్స్, ఖనిజాలు పుష్కలంగా ఉంటాయని, ప్రధానంగా ఇందులో విటమిన్ ఈ ఉంటుందని చెబుతున్నారు. అలాగే ఐరన్, జింక్ కూడా ఉంటుందట. కాగా బ్లాక్ రైస్ లో శరీర ఆరోగ్యానికి మాత్రమే కాకుండా సౌందర్యాన్ని కూడా ఎంతో అవసరమైన విటమిన్స్ ఉంటాయని చెబుతున్నారు. బ్లాక్ రైస్ గుండె ఆరోగ్యానికి తోడ్పడడంతో పాటు చెడు కొలస్ట్రాల్ ని తగ్గించి మంచి కొలెస్ట్రాల్ ని పెంచుతుందట. గుండెను కాపాడుతుందట. దీంతో గుండె జబ్బుల సమస్యలు మన దరిచేరకుండా ఉంటాయని చెబుతున్నారు.
అందుకే బ్లాక్ రైస్ ని మన రెగ్యులర్ డైట్ లో తప్పకుండా చేర్చుకోవాలని చెబుతున్నారు. వెయిట్ లాస్ జర్నీ లో ఉన్నవాళ్లు దీన్ని తినాలి. బ్లాక్ రైస్ తినడం వల్ల కడుపు నిండిన అనుభూతి ఎక్కువ సమయం పాటు కలుగుతుందట. దానివల్ల బరువు కూడా పెరగకుండా ఉంటారని చెబుతున్నారు. అలాగే బ్లాక్ రైస్ జీర్ణ ఆరోగ్యానికి ఎంతో మేలు చేస్తుందట. ఇది జీర్ణ వ్యవస్థను బలపరిచి దీర్ఘకాలిక మలబద్దకం సమస్యను రాకుండా ఆరోగ్యకరమైన పేగు బ్యాక్టీరియాకు తోడ్పడుతుందని చెబుతున్నారు. బ్లాక్ రైస్ మన కంటి చూపు కూడా మేలు చేస్తుందట. ఇందులో లూటీన్, జియాంథీన్‌ ఉంటుందని, ఈ యాంటీ ఆక్సిడెంట్ లో వయస్సు రీత్యా వచ్చే కంటి సమస్యలు కూడా మంచి పరిష్కారం అవుతాయని చెబుతున్నారు. అందమైన చర్మం కావాలి అనుకుంటే బ్లాక్ రైస్ ను డైట్ లో చేర్చుకోవడం మంచిది చెబుతున్నారు. ఇందులో విటమిన్ ఈ యాంటీ ఆక్సిడెంట్లు ఉంటాయి. ఇది సన్‌ డ్యామేజ్ కాకుండా హానికరమైన యూవీ కిరణాలు, కాలుష్యం నుంచి మీ చర్మాన్ని కాపాడుతుందట. దీని వల్ల ఆరోగ్యకరమైన మెరిసే స్కిన్ ని పొందవచ్చట. బ్లాక్ రైస్ లో చేర్చుకోవడం వల్ల షుగర్ స్థాయులు కూడా అదుపులో ఉంటాయట.