మనలో వెజ్ కంటే నాన్ వెజ్ తినే వారే ఎక్కువగా ఉన్నారు. కొందరికి వారానికి కనీసం నాలుగు సార్లు అయినా సరే నాన్ వెజ్ ఉండాల్సిందే. కొంతమందికి ముక్క లేనిదే ముద్ద కూడా దిగదు. ఆదివారం వచ్చింది అంటే చాలు ఇంట్లో చికెన్, మటన్ వంటివి చేయాల్సిందే. ఈ రోజుల్లో వారంతో సంబంధం లేకుండా చికెన్, మటన్ ను లాగిస్తున్నారు. చికెన్ బిర్యానీ, చికెన్ ఫ్రై, లాలీపాప్, చికెన్ 65, చికెన్ కూర్మా ఇలా ఏ ఐటమ్ అయినా సరే తగ్గేదే లే అంటున్నారు. మద్యపాన ప్రియులు మంచింగ్‌కు చికెన్ ఎక్కువ తీసుకుంటున్నారు.
చిన్నా, పెద్దా తేడా లేకుండా చికెన్ ను ఎక్కువగా తింటున్నారు. చికెన్ తినడం వల్ల శరీరంలో ప్రోటీన్స్ పెరుగుతాయి. నాటు కోళ్లు తింటే ఆరోగ్యానికి మంచిది. ఫారం కోళ్లను ఎక్కువగా తింటే అనర్థం తప్పదని అంటున్నారు. వారానికి ఒకటి, రెండు సార్లు చికెన్ తింటే ఫర్వాలేదు. వారమంతా చికెన్ తింటే మాత్రం ప్రమాదం అంటున్నారు. అయితే చికెన్ తిన్న వెంటనే లేదా చికెన్ తో పాటు తినకూడని ఫుడ్స్ ఉన్నాయని అంటున్నారు. ఇంతకీ అవి ఏమిటి అన్న విషయానికి వస్తే..చికెన్, మటన్ లేదా చేపలు ఏదైనా నాన్ వెజ్ ఐటమ్ తిన్న తర్వాత పాలు తాగకూడదని నిపుణులు చెబుతున్నారు.
పాలు జీర్ణమయ్యే ప్రక్రియ చికెన్ కు భిన్నంగా ఉంటుంది. పాలు, చికెన్ కలిపి తీసుకోవడం వల్ల శరీరంలో టాక్సిన్స్ ఏర్పడతాయి. చికెన్ జీర్ణం కావడానికి చాలా సమయం పడుతుంది. ఇది జీర్ణప్రక్రియకు అడ్డుపడుతుంది. ఈ కాంబినేషన్‌ ఎక్కువ కాలం తీసుకుంటే ఆరోగ్య సమస్యలు వచ్చే అవకాశం ఉందని అంటున్నారు. పొత్తి కడుపు నొప్పి, వికారం, అజీర్ణం, గ్యాస్, ఉబ్బరం, అల్సర్లు, శరీరం చెడు వాసన, మలబద్ధకం, చర్మ సమస్యలు, కడుపు సంబంధిత సమస్యలు వచ్చే ప్రమాదం ఉందని నిపుణులు చెబుతున్నారు. కాబట్టి ఈ చికెన్ తిన్నప్పుడు కొన్ని రకాల ఆహార పదార్థాలకు దూరంగా ఉండటం మంచిది అని చెబుతున్నారు..