Jaggery Water: బెల్లం రుచితో పాటు అనేక ఔషధ గుణాలతో నిండి ఉంటుంది. బెల్లంలో అనేక రకాల యాంటీ-ఆక్సిడెంట్లు ఉంటాయి. ఇవి ఆరోగ్యానికి మేలు చేస్తాయి. ఎందుకంటే బెల్లాన్ని చెరుకు రసం నుండి తయారు చేస్తారు. దీని తీపి ఆరోగ్యానికి హాని కలిగించదు. అందుకే చాలా మంది భోజనం తర్వాత దీనిని తినడానికి ఇష్టపడతారు. అయితే 7 రోజుల పాటు బెల్లాన్ని నీటిలో (Jaggery Water) కలిపి తాగితే ఏమవుతుంది? అనేక పరిశోధనల ప్రకారం.. ఈ నీటిని తాగడం వల్ల శరీరానికి అనేక ప్రయోజనాలు లభిస్తాయి. ఈ నీరు రక్తహీనతను దూరం చేయడంలో సహాయపడుతుంది.
7 రోజులు బెల్లం నీరు తాగితే ఏమవుతుంది
రక్తహీనతను దూరం చేస్తుంది: బెల్లం నీరు ఒక రకమైన సహజ డిటాక్స్ డ్రింక్. దీనిని తాగడం వలన శరీరంలోని విషపదార్థాలు బయటకు వెళ్లిపోయి. కాలేయం చక్కగా పనిచేస్తుంది. అలాగే రక్తం పెరుగుతుంది. శుద్ధి అవుతుంది. 7 రోజుల పాటు ఈ నీటిని తాగడం వలన ఫలితం కనిపిస్తుంది.
చర్మ సమస్యలు తగ్గుతాయి: బెల్లం చర్మ సమస్యలను కూడా దూరం చేయడంలో సహాయపడుతుంది. వేడి నీరు, బెల్లం కలయిక ఆయుర్వేదం ప్రకారం కూడా మంచిదిగా పరిగణించబడుతుంది. దీనిని క్రమం తప్పకుండా తాగడం వలన మొటిమలు, మచ్చలు తగ్గుతాయి.
Also Read: Goa Tour : గోవాకు వెళ్లి యువత జాగ్రత్త..లేదంటే మీరే నష్టపోతారు !!
కాలేయం ఆరోగ్యంగా ఉంటుంది: బెల్లంలో ఉండే మినరల్స్, యాంటీఆక్సిడెంట్లు కాలేయాన్ని ఆరోగ్యంగా ఉంచడంలో సహాయపడతాయి. మీరు దీనిని నిరంతరం సేవిస్తే ఫ్యాటీ లివర్ సమస్య కూడా దూరమవుతుంది.
పీరియడ్స్ నొప్పి తగ్గుతుంది: బెల్లం కషాయాన్ని తరచుగా మహిళలకు తాగమని చెబుతారు. ఎందుకంటే ఇందులో ఉండే మెగ్నీషియం, పొటాషియం పీరియడ్స్ సమయంలో వచ్చే కడుపు నొప్పి, బలహీనత, మూడ్ స్వింగ్స్ను తగ్గించడంలో సహాయపడతాయి.
బెల్లం- నీటి మిశ్రమాన్ని ఎలా తయారు చేయాలి?
బెల్లం- నీటి మిశ్రమాన్ని తయారు చేయడానికి మీరు ఒక చిన్న బెల్లం ముక్క, ఒక గ్లాసు నీరు తీసుకోవాలి. నీటిని ఒక గిన్నెలో వేసి మరిగించాలి. బెల్లాన్ని కరిగించి ఒక గ్లాసులో తీసుకుని చల్లార్చి లేదా కొద్దిగా వెచ్చగా ఉన్నప్పుడు తాగాలి. మీరు దీనిని ఉదయం సమయంలో తాగవచ్చు.