Cardamom Milk : మన వంటింట్లో ఎప్పటి నుంచో ప్రత్యేక స్థానం సంపాదించుకున్న యాలకులు ఇప్పుడు ఆరోగ్య పరిరక్షకంగా మరింత ప్రాధాన్యం పొందుతున్నాయి. సాధారణంగా మసాలా వంటకాల్లో, స్వీట్లలో వాసనకోసం వాడే యాలకులు, రాత్రివేళల్లో పాలలో మరిగించి తాగితే అనేక ఆరోగ్య ప్రయోజనాలను అందిస్తాయని నిపుణులు చెబుతున్నారు. ఒక కప్పు పాలలో రెండు నుంచి మూడు యాలకులను వేసి బాగా మరిగించి తాగడం వలన శరీరానికి అనేక విధాలుగా లాభం జరుగుతుంది. ఇందులో ఉండే ట్రిప్టోఫాన్ అనే అమైనో యాసిడ్ నిద్రను మెరుగుపరచడంలో కీలక పాత్ర పోషిస్తుంది. ఇది మెదడులో సెరొటోనిన్ హార్మోన్ ఉత్పత్తిని పెంచి, మానసిక ఒత్తిడి, ఆందోళనలను తగ్గిస్తుంది. దీంతో మెదడు రిలాక్స్ అవుతుంది. ముఖ్యంగా నిద్రలేమితో బాధపడే వారు రాత్రిపూట యాలకుల పాలు తాగితే మంచి ఫలితాలు పొందొచ్చు.
Read Also: Indus Waters Treaty : అప్పటివరకు సింధూ జలాల ఒప్పందం నిలిపివేత కొనసాగుతుంది : రాజ్యసభలో జైశంకర్
ఇది మానసిక ఆరోగ్యాన్ని మెరుగుపరచడంలోనూ దోహదపడుతుంది. నాడీమండల వ్యవస్థను సక్రమంగా పనిచేసేలా చేస్తుంది. డిప్రెషన్ వంటి సమస్యల నుంచి బయటపడటానికి సహకరిస్తుంది. మెదడు చురుకుగా మారి పనితీరు మెరుగవుతుంది. అలాగే, జీర్ణవ్యవస్థపై కూడా యాలకులు మంచి ప్రభావం చూపిస్తాయి. గ్యాస్, కడుపు ఉబ్బరం, అజీర్తి వంటి సమస్యల నుంచి ఉపశమనం లభిస్తుంది. యాలకులలో విటమిన్ C, యాంటీ ఆక్సిడెంట్లు అధికంగా ఉంటాయి. ఇవి శరీరంలోని ఫ్రీ ర్యాడికల్స్ను నిర్మూలించి, కణాలను రక్షిస్తాయి. దాంతో పాటు రోగ నిరోధక వ్యవస్థను బలోపేతం చేస్తాయి. ముఖ్యంగా సీజనల్ వ్యాధులు అయిన జలుబు, దగ్గు వంటి వాటి నుంచి బయటపడటానికి ఇది సహాయపడుతుంది. పొటాషియం, మెగ్నిషియం, ఫాస్ఫరస్ లాంటి ఖనిజాలు యాలకుల్లో సమృద్ధిగా ఉన్నాయి. ఇవి బీపీని నియంత్రణలో ఉంచుతాయి. యాంటీ ఆక్సిడెంట్లు రక్త నాళాలను ఆరోగ్యంగా ఉంచుతాయి. ఫైబర్ ఉండటం వలన కొలెస్ట్రాల్ స్థాయిలను తగ్గిస్తుంది. దీనివల్ల గుండె సంబంధిత వ్యాధుల ముప్పు తగ్గుతుంది. ముఖ్యంగా గుండె పోటు వచ్చే అవకాశాలు తగ్గుతాయి.
యాలకుల్లోని యాంటీ మైక్రోబియల్, యాంటీ సెప్టిక్ లక్షణాలు నోటి ఆరోగ్యానికి తోడ్పడతాయి. నోటి దుర్వాసన తగ్గి, దంతాల ఇన్ఫెక్షన్లు అదుపులోకి వస్తాయి. దంతాలు, చిగుళ్లు ఆరోగ్యంగా ఉంటాయి. ఇంకా, యాలకుల పాలలో యాంటీ ఇన్ఫ్లామేటరీ లక్షణాలు ఉండటం వలన శరీరంలోని వాపులు, నొప్పులు తగ్గుతాయి. ఆర్థరైటిస్, కీళ్ల నొప్పులు ఉన్నవారికి ఇది ఉపశమనం ఇస్తుంది. పోషకాల విషయానికి వస్తే యాలకుల పాలలో క్యాల్షియం, విటమిన్ డీ, బి విటమిన్లు, ప్రోటీన్లు పుష్కలంగా ఉంటాయి. ఇవి ఎముకలను బలంగా ఉంచుతాయి. మెటాబాలిజాన్ని మెరుగుపరచడంతో పాటు అధిక బరువు తగ్గించడంలో కూడా దోహదపడతాయి. రుచికరమైన పానీయం కావడంతో పాటు, అనేక ఆరోగ్య ప్రయోజనాలను అందించే ఈ యాలకుల పాలను మీ రాత్రి నిద్ర ముందు అలవాటుగా చేసుకుంటే మీ ఆరోగ్యం మరింత మెరుగవుతుంది. కాస్త తేనె కలిపి తాగితే రుచికరంగానే కాకుండా శక్తివంతంగా మారుతుంది. ఇంట్లో అందరికీ ఉపయోగపడే ఈ ఆరోగ్య పానీయం మీ డైలీ డైట్లో చేర్చుకోవాలని ఆరోగ్య నిపుణులు సూచిస్తున్నారు.
Read Also: Al Qaeda : బెంగళూరులో అల్ఖైదా టెర్రర్ మాడ్యూల్ మాస్టర్మైన్డ్ అరెస్ట్