Heart: గుండె జబ్బులు వృద్ధులకే వస్తాయన్న భ్రమ ఇప్పుడు తప్పు అనిపిస్తోంది. ఇటీవల చిన్న వయస్సులోనూ, ఆరోగ్యంగా కనిపించే యువతలో గుండె సంబంధిత సమస్యలు అధికంగా పెరుగుతున్నాయి. వైద్య నిపుణుల మాటల్లో, రోజూ మనం అలవాటు చేసుకునే కొన్ని చిన్న చిన్న జీవనశైలి తప్పిదాలే దీర్ఘకాలిక గుండె వ్యాధులకు దారి తీస్తున్నాయంటున్నారు. ఒత్తిడి, హార్మోన్ల మార్పులు, మరియు నిదానంగా దెబ్బతినే జీవక్రియలే దీనికి ప్రధాన కారణాలు.
నిపుణుల అభిప్రాయం ప్రకారం, నిద్రా లోపం, స్క్రీన్ టైమ్ పెరగడం, అసమయాన భోజనం వంటి అలవాట్లే గుండెపోటు, పక్షవాతం వంటి తీవ్రమైన గుండె జబ్బులకూ పునాది వేస్తున్నాయని స్పష్టం చేశారు.
నిద్ర లోపం: ప్రతి రాత్రి సరైన 7-8 గంటల నిద్ర అవసరం. దీన్ని పాటించకపోతే ఒత్తిడికి సంబంధించి కార్టిసాల్ హార్మోన్ స్థాయిలు పెరిగి, బీపీ ఎక్కువవుతుంది. దీర్ఘకాలంగా నిద్ర లేకపోతే గుండెపై ఒత్తిడి పెరిగి, హృదయ సంబంధ సమస్యలు తలెత్తే ప్రమాదం ఎక్కువగా ఉంటుంది.
అధిక స్క్రీన్ టైమ్: రోజంతా మొబైల్, ల్యాప్‌టాప్, టీవీలకు అతిగా ఆనుకట్టుకోవడం వల్ల కదలికలు తగ్గి, స్థూలకాయం వచ్చే ప్రమాదం ఉంటుంది. ఇది కరోనరీ ఆర్టరీ వ్యాధులు, గుండె ఆపద్ఘాతాలు, ఇస్కీమిక్ గుండె జబ్బులకు దారితీస్తుందని పరిశోధనలు చెబుతున్నాయి.
అర్ధరాత్రి స్నాక్స్ & క్రమరహిత భోజనం: రాత్రి సమయంలో తినడం, లేదా అసమయాన తినడం వల్ల జీవక్రియపై ప్రభావం పడుతుంది. ఇన్సులిన్ స్థాయిలు డిస్ట్రబ్ అయి బరువు, కొలెస్ట్రాల్ పెరిగి గుండెకు ముప్పు వస్తుంది.
నిపుణులు సూచించేది ఒక్కటే – జీవితశైలిలో చిన్న చిన్న మార్పులతో గుండె జబ్బుల నుంచి తప్పించుకోవచ్చు. ఆరోగ్యకరమైన జీవన విధానమే మన గుండెకు రక్షణ కావాలని చెబుతున్నారు.