మన వంటింట్లో దొరికే కూరగాయలలో క్యాలీఫ్లవర్ కూడా ఒకటి. ఈ క్యాలీఫ్లవర్ ను ఎన్నో రకాల వంటల్లో కూడా ఉపయోగిస్తూ ఉంటారు. ముఖ్యంగా ఫ్లవర్ గోబీ మంచూరియాని ఎక్కువగా ఇష్టంగా తింటూ ఉంటారు. క్యాలీఫ్లవర్ ని ఆహారంలో భాగంగా చేసుకోవడం వల్ల శరీరానికి కావలసిన పోషకాలు అందుతాయి. క్యాలీఫ్లవర్ లో విటమిన్ సి, మాంగనీసు ఉండడం వల్ల శరీరంలో ఒత్తిడిని తగ్గిస్తుంది.సూర్యుని నుండి వచ్చే అతినీలలోహిత కిరణాల నుండి క్యాలీఫ్లవర్ మన చర్మాన్ని రక్షిస్తుంది. ఇది వివిధ వ్యాధులను నివారించడానికి కూడా ఎంతో ఉపయోగపడుతుంది.
క్యాలీఫ్లవర్ జీర్ణవ్యవస్థను సక్రమంగా పనిచేసేలా చేస్తుంది. కాలేయం శుభ్రపరచడానికి ఉపయోగపడుతుంది. మన శరీరంలో రోగనిరోధక శక్తిని పెంచి అనారోగ్య సమస్యల నుంచి కాపాడుతుంది. క్యాలీఫ్లవర్ లో ఉండే విటమిన్ కె ఎముకల ఆరోగ్యాన్ని కాపాడుతుంది. క్యాలీఫ్లవర్ లోని సల్ఫోరాఫేన్ క్యాన్సర్ ప్రమాదాన్ని తగ్గిస్తుంది. క్యాలీఫ్లవర్ లో ఉండే ఫైబర్ గుండెకు మేలు చేస్తుంది. మధుమేహం ఉన్నవారు క్యాలీఫ్లవర్ ను తింటే క్యాలీఫ్లవర్ లో ఉండే పోషకాలు, అందులో ఉండే పీచు పదార్ధం ఆరోగ్యాన్ని కాపాడుతుంది. క్యాలీఫ్లవర్ లో ఉండే ఫోలేట్ గర్భిణీ స్త్రీలకు కూడా మంచి చేస్తుంది. క్యాలీఫ్లవర్ అనేక చర్మ వ్యాధులను నివారిస్తుంది.
చెడు కొలెస్ట్రాల్ ను తగ్గిస్తుంది. శరీరానికి కావాల్సిన ఆరోగ్యకరమైన కొలెస్ట్రాల్ ను పెంచటానికి ఇది బాగా ఉపయోగపడుతుంది. క్యాలీఫ్లవర్ మెదడు పనితీరును మెరుగుపరుస్తుంది. క్యాలీఫ్లవర్ ఎక్కువగా తీసుకోవడం వల్ల రొమ్ము క్యాన్సర్ ప్రమాదం నుండి బయటపడవచ్చు. ఇది శరీరంలోని టాక్సిన్స్ ను తొలగించడానికి ఎంతో సహాయపడుతుంది. క్యాలీఫ్లవర్ జుట్టు ఆరోగ్యాన్ని మెరుగుపరుస్తుంది. అలాగే నల్లగ జుట్టు తెల్లబడటం వంటి సమస్యలకు ఇది చక్కని పరిష్కారంగా ఉంటుంది. జుట్టు సమస్యలు ఉన్నవారికి ఇది ప్రభావవంతంగా పనిచేస్తుంది.