క్యారెట్ వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. క్యారెట్ ని తరచుగా తీసుకోవడం ఆరోగ్యానికి చాలా మంచిది. ముఖ్యంగా కంటి చూపుకు క్యారెట్ ఎంతో బాగా ఉపయోగపడుతుంది. చాలామంది క్యారెట్ ను కంటి ఆరోగ్యం కోసం తింటారు. అలాగే క్యారెట్ లో ఎన్నో మినరల్స్, విటమిన్స్ ఉంటాయి. అవి శరీరానికి ఎంతో మేలు చేస్తాయి. అయితే చాలామంది క్యారెట్ ను కూరలో వేసుకొని వండుకోవడం లేదా పచ్చి క్యారెట్ ను అలాగే తినడం లాంటివి చేస్తుంటారు. అయితే క్యారెట్ ను అలా పచ్చిగా తినడం కంటే కూడా దాన్ని జ్యూస్ గా చేసుకొని తాగడం వల్ల మరిన్ని ఎక్కువ ప్రయోజనాలు ఉన్నాయి.
మరి క్యారెట్ జ్యూస్ తాగడం వల్ల ఎలాంటి ప్రయోజనాలు కలుగుతాయో ఇప్పుడు మనం తెలుసుకుందాం.. ముఖ్యంగా మహిళలకు అయితే క్యారెట్ జ్యూస్ వల్ల చాలా ఆరోగ్య ప్రయోజనాలు కలుగుతాయి. పురుషులతో పోలిస్తే మహిళలకే ఈ క్యారెట్ జ్యూస్ వల్ల ఎక్కువ లాభాలు ఉంటాయి. అందుకే మహిళలే ఎక్కువగా క్యారెట్ ను తింటే మంచిదని నిపుణులు చెబుతూ ఉంటారు. మహిళలు అయితే రోజూ ఒక్కటంటే ఒక్క గ్లాస్ క్యారెట్ జ్యూస్ తాగితే ఎన్నో ఆరోగ్య ప్రయోజనాలు కలుగుతాయి. ముఖ్యంగా మహిళల్లో వచ్చే రొమ్ము క్యాన్సర్ ను క్యారెట్ జ్యూస్ తో చెక్ పెట్టొచ్చట. క్యారెట్ లో ఉండే విటమిన్ ఏ కంటి ఆరోగ్యానికి మెరుగుపరుస్తుంది.
అలాగే మహిళల చర్మ సౌందర్యం కూడా మెరుగుపడుతుంది. చర్మం మీద పడే ముడతలు కూడా తగ్గుతాయి. షుగర్ వ్యాధి ఉన్నవాళ్లు కూడా క్యారెట్ ను ఎక్కువగా తీసుకోవాలి. రక్తంలో షుగర్ లేవల్స్ కంట్రోల్ లో ఉండాలంటే క్యారెట్ జ్యూస్ ను నిత్యం తీసుకోవాలి. ప్రతి రోజు ఒక గ్లాస్ క్యారెట్ జ్యూస్ ను తీసుకుంటే జీర్ణ సమస్యలు తగ్గుతాయి. మలబద్ధకం తగ్గుతుంది. అసిడిటీ కూడా రాదు. క్యారెట్ లో ఐరన్ ఎక్కువగా ఉండటంతో రక్తహీనత సమస్యకు కూడా చెక్ పెట్టవచ్చు. జ్యూస్ రూపంలో తీసుకోలేని వారు కనీసం రోజుకు ఒక క్యారెట్ తీసుకున్న చాలు అనేక రకాల లాభాలను పొందవచ్చు.