Pregnancy: స్త్రీల కోసం పూజా విధానాల్లో కొన్ని ప్రత్యేక నియమాలు ఉంటాయి. ఉదాహరణకు ఋతుస్రావం సమయంలో వారు ధార్మిక కార్యక్రమాలలో పాల్గొనడానికి అనుమతి ఉండదు. అయితే గర్భిణీ స్త్రీలు (Pregnancy) గుడికి వెళ్లడం లేదా పూజా విధానాలు చేయడంపై ఏమైనా నిషేధం ఉందా? అనే విష‌యం ఈరోజు తెలుసుకుందాం.
గర్భధారణ సమయం ఒక స్త్రీకి చాలా ముఖ్యమైన సమయం. ఈ సమయంలో గుడికి వెళ్లడం లేదా పూజా విధానాలు చేయడంపై ఎటువంటి నిషేధం లేదు. కానీ గర్భిణీ స్త్రీకి ఏదైనా ఆరోగ్య సమస్య ఉంటే ఆమె గుడికి వెళ్లడం మానుకోవాలి. కొన్నిసార్లు గర్భిణీ స్త్రీలకు 7 నెలల తర్వాత గుడికి వెళ్లడానికి అనుమతి ఉండదు. దీనికి కారణం గుడిలో మెట్లు ఎక్కాల్సి ఉంటుంది. కొన్ని గుళ్లు కొండల పైన ఉంటాయి. ఇది గర్భంలో ఉన్న శిశువుపై ప్రభావం చూపవచ్చు.
Also Read: PM Modi : అర్జెంటీనా పర్యటనకు ప్రధాని మోడీ..57 ఏళ్ల తర్వాత చారిత్రక పర్యటన
గర్భిణీ స్త్రీ ఆరోగ్య పరిస్థితి మంచిగా ఉంటే 5-7 నెలల వరకు గుడికి వెళ్లడంపై ఎటువంటి నిషేధం లేదు. అయితే, గుడిలో ఎక్కువ సమయం కూర్చోవడం లేదా నిలబడి కష్టపడి పూజ చేయడం లేదా ప్రదక్షిణలు చేయడం వంటివి చేయకూడదు. శారీరక ఒత్తిడిని కలిగించే ఏ ప‌నిని గర్భిణీ స్త్రీ చేయకూడదు. ఈ విధంగా ధార్మికంగా గర్భిణీ స్త్రీలు గుడికి వెళ్లడంపై ఎటువంటి నిషేధం లేదు. అయితే గర్భిణీ స్త్రీ తన శారీరక పరిస్థితిని, ప్రయాణ సౌకర్యాన్ని దృష్టిలో ఉంచుకోవాలి.
గర్భిణీ స్త్రీ గుడికి వెళితే ఎక్కువ సమయం ఉపవాసం ఉండకూడదు. బదులుగా సమయానికి నీరు తాగుతూ ఉండాలి. ఎక్కువ సమయం ఆకలితో లేదా దాహంతో ఉండటం గర్భంలో ఉన్న శిశువుకు, గ‌ర్భిణీకి హానికరం కావచ్చు. గర్భధారణ సమయంలో గుడికి వెళ్లడం వల్ల మానసిక శాంతి, స్థిరత్వం లభిస్తుంది. అయితే మీరు మీ ఆరోగ్య పరిస్థితిని బట్టి, వైద్యుడి సలహా తీసుకున్న తర్వాత మాత్రమే గుడికి వెళ్లాల‌ని కొంద‌రు చెబుతున్నారు. ఒకవేళ గుడికి వెళ్లలేకపోతే ఇంట్లో సాధారణ పూజా విధానాలు చేయవచ్చు లేదా భగవద్గీతను పఠించవచ్చు.