Apple Peels: ప్రతి ఒక్కరూ తమ చర్మం మెరుస్తూ ఉండాలని కోరుకుంటారు. ఇటువంటి పరిస్థితిలో చాలామంది అనేక రకాల చర్మ సంరక్షణ ఉత్పత్తులను ఉపయోగిస్తారు. చర్మం సౌంద‌ర్యాన్ని పెంచడానికి అనేక ఇంటి నివారణలను కూడా ప్రయత్నిస్తారు. వీటిలో ఒకటి ఆపిల్. మనమందరం ఆపిల్ తినడానికి ఇష్టపడతాము. కానీ ఆపిల్ తొక్క (Apple Peels) మన చర్మానికి కూడా మేలు చేస్తుందని మీకు తెలుసా? తరచుగా మనం ఆపిల్ తొక్కను డ‌స్ట్ బిన్‌లో వేస్తాం. కానీ ఇందులో సమృద్ధిగా ఉండే విటమిన్లు, ఖనిజాలు, యాంటీఆక్సిడెంట్లు మన చర్మాన్ని ఆరోగ్యంగా, మెరుస్తూ ఉండటానికి సహాయపడతాయి. ఆపిల్ తొక్క వల్ల కలిగే ప్రయోజనాలు, దానిని ఎలా ఉపయోగించాలో తెలుసుకుందాం.
ఆపిల్ పై తొక్క ప్రయోజనాలు
- ఆపిల్ తొక్కలో పాలీఫెనాల్స్ వంటి యాంటీఆక్సిడెంట్లు ఉంటాయి. ఇవి ఫ్రీ రాడికల్స్‌తో పోరాడి చర్మాన్ని దెబ్బతినకుండా కాపాడతాయి.
- ఆపిల్ తొక్కలో ఉండే విటమిన్ సి, యాంటీఆక్సిడెంట్లు చర్మాన్ని మెరుగుపరచడంలో మెరిసేలా చేయడంలో సహాయపడతాయి.
- ఆ పిల్ తొక్కలో ఉండే సహజ నూనెలు చర్మాన్ని మాయిశ్చరైజ్ చేసి పొడిబారకుండా చేస్తుంది.
- ఆపిల్ పీల్ టోన్‌లో ఉండే యాసిడ్స్ చర్మాన్ని బిగుతుగా మారుస్తాయి.
- ఆపిల్ తొక్కలో యాంటీ బ్యాక్టీరియల్ గుణాలు ఉన్నాయి. ఇది మొటిమలు, మచ్చలతో పోరాడడంలో సహాయపడుతుంది.
- ఆపిల్ తొక్కలో విటమిన్ సి ఉంటుంది. ఇది నల్లటి వలయాలను తగ్గించడంలో సహాయపడుతుంది.
ఆపిల్ పై తొక్క ఎలా ఉపయోగించాలి..?
- ఆపిల్ తొక్కను గ్రైండ్ చేసి అందులో తేనె లేదా పెరుగు మిక్స్ చేసి ముఖానికి రాసుకోవాలి. 15 నిమిషాల తర్వాత గోరువెచ్చని నీటితో కడగాలి. ఈ స్క్రబ్ చర్మాన్ని ఎక్స్‌ఫోలియేట్ చేసి మృదువుగా చేస్తుంది.
- ఆపిల్ తొక్కను గ్రైండ్ చేసి అందులో అలోవెరా జెల్ కలిపి ముఖానికి రాసుకోవాలి. 20 నిమిషాల తర్వాత గోరువెచ్చని నీటితో కడగాలి. ఈ మాస్క్‌ చర్మాన్ని ఉపశమనం చేస్తుంది. పోషణ ఇస్తుంది.
- ఆపిల్ తొక్కను గ్రైండ్ చేసి కళ్ల కింద అప్లై చేయాలి. 15 నిమిషాల తర్వాత చల్లటి నీటితో కడగాలి. ఇది కళ్ల కింద నల్లటి వలయాలను తగ్గించడంలో సహాయపడుతుంది.