ఇదివరకటి రోజులో కేవలం వయసు మీద పడిన వారికి మాత్రమే ముఖంపై ముడతలు వచ్చేవి. కానీ ప్రస్తుత రోజుల్లో మాత్రం వయసుతో సంబంధం లేకుండా చిన్న వయసు వారీకే ముఖంపై ముడతలు సమస్యలు వస్తున్నాయి. అయితే ఇలా ముఖంపై ముడతలు రావడానికి అనేక రకాల కారణాలు కూడా ఉన్నాయి. ఒత్తిడి, కాలుష్యం, పోషకాహార లోపం, బ్యూటీ ప్రోడక్ట్ ల వాడకం వంటి కారణాల వల్ల ముఖంపై ముడతలు వస్తాయి. అయితే ముఖంపై వచ్చిన ముడతలను పోగొట్టుకుని యంగ్ గా కనిపించడం కోసం చాలామంది ఎన్నెన్నో ప్రయత్నాలు చేస్తూ ఉంటారు.
ముఖంపై ముడతల కారణంగా అందవిహీనంగా మారుతున్నామని ఇబ్బంది పడుతున్న చాలామంది మార్కెట్లో దొరికే కాస్మటిక్ ఉత్పత్తులను వాడడం ప్రారంభిస్తుంటారు. అయితే ముఖంపై ముడతలు సమస్యలు తగ్గాలి అంటే ఇంట్లోనే దొరికే కొన్నింటిని ఉపయోగించి సమస్యలు తగ్గించుకోవచ్చని చెబుతున్నారు. ఆ హోమ్ రెమెడీస్ ఏంటో ఇప్పుడు మనం తెలుసుకుందాం.. ముఖంపై ముడతలు పోవడానికి కలబంద ఎంతో బాగా ఉపయోగపడుతుంది. కలబంద గుజ్జును పూసుకోవడం వల్ల చర్మం మీద ముడతలు, గీతలు తగ్గుతాయట. కలబందతో కొలాజిన్ ఉత్పత్తి జరిగి చర్మం మృదువుగా మారుతుంది. కలబందలో ఉండే మాయిశ్చరైజింగ్ గుణాలు చర్మం తేమగా, నిగారింపుతో ఉండేలా చేస్తాయని చెబుతున్నారు.
కాగా ముఖంపై ముడతలు పోవడానికి తేనె ఎంతో బాగా ఉపయోగపడుతుంది. తేనెలోని యాంటీ ఆక్సిడెంట్ గుణాలు ఫ్రీ రాడికల్స్ నుంచి చర్మ కణాలను కాపాడతాయి. అలాగే తేనే చర్మంలో ఉన్న తేమను కాపాడుతుంది. ముఖంపై ముడతలు పోవాలంటే తేనెను అప్లై చేసి కాసేపు ఆరనిచ్చి ఆ తర్వాత గోరువెచ్చటి నీటితో శుభ్రంగా కడుక్కోవాలి. ఇలా వారానికి రెండుసార్లు చేస్తే ముఖంపై ఉండే ముడతలు తగ్గుముఖం పడతాయి. అలాగే ముఖంపై ముడతలను దూరం చేయడానికి కొబ్బరి నూనె ఎంతో బాగా ఉపయోగపడుతుంది. కొబ్బరి నూనెలో ఫ్యాటీ యాసిడ్స్ పుష్కలంగా ఉంటాయి. కొబ్బరి నూనె చర్మం హైడ్రేటెడ్ గా ఉంచడానికి, పోషణ అందించడానికి తోడ్పడుతుంది. కొబ్బరి నూనె ముఖానికి మసాజ్ చేసుకొని ఒక గంట పాటు ఉంచి ఆపై నీళ్లతో కడుక్కుంటే చర్మం మృదువుగా మారి ముడతలు తగ్గుతాయి.
note : పైన సమాచారం ఇంటర్నెట్ నుంచి సేకరించబడినది. ఇందులో ఎటువంటి సందేహాలు ఉన్న నిపుణుల సలహా తీసుకోవడం మంచిది.