మామూలుగా కొందరు పచ్చి కొబ్బరి తింటే మరికొందరు ఎండు కొబ్బరి తింటూ ఉంటారు. అయితే కొబ్బరి వల్ల ఎన్నో రకాల ప్రయోజనాలు ఉన్నాయి అన్న విషయం మనందరికి తెలిసిందే. పచ్చి కొబ్బరితో పోల్చుకుంటే ఎండు కొబ్బరి వల్ల ఇంకా ఎన్నో రకాల ప్రయోజనాలు ఉన్నాయి. ప్రతిరోజు ఎండు కొబ్బరి తినడం వల్ల అనేక ఆరోగ్య ప్రయోజనాలు కలుగుతాయి. మరి ఎండు కొబ్బరి తినడం వల్ల ఇంకా ఏఏ ప్రయోజనాలు కలుగుతాయో అలాగే ప్రతిరోజు ఎండు కొబ్బరి తింటే ఏం జరుగుతుందో ఇప్పుడు మనం తెలుసుకుందాం..
ఎండు కొబ్బరిలో ఉండే ప్రోటీన్స్, విటమిన్స్ ఐరన్, కాల్షియం, మాంగనీస్, సెలీనియం రోగ నిరోధక శక్తిని పెంచుతాయి. ఇవి శరీరాన్ని వైరల్ ఇన్ఫెక్షన్ నుంచి రక్షించడంతో పాటు చర్మ సమస్యల నుండి కాపాడతాయి. కొబ్బరి ఆహారంలో భాగం చేసుకుంటే బోలు ఎముకల వ్యాధి వంటి సమస్యలు దరిచేరవు. మానసిక ఆరోగ్యానికి ఎండు కొబ్బరి బాగా పనిచేస్తుంది. ఇక కొబ్బరి నూనె అల్జీమర్స్ నివారణకు సాయపడుతుందని పలు అధ్యయనాల్లో తేలింది. బరువు తగ్గాలనుకునే వారికి కూడా ఎండు కొబ్బరి ఎంతో బాగా ఉపయోగపడుతుంది. అయితే జీర్ణం కావడానికి కొంచెం ఎక్కువ సమయం పట్టినా శరీరానికి మాత్రం మేలు చేకూరుస్తుంది.
ఐరన్ పుష్కలంగా ఉండే ఎండు కొబ్బరిని బెల్లంతో కలిపి తీసుకోవడం వల్ల రక్తహీనత సమస్య నుంచి బయటపడవచ్చు. అలాగే తలనొప్పి బాధితులకు ఈ ఎండు కొబ్బరి ఎంతో మేలు చేస్తుంది. ఎండు కొబ్బరి తినడం వల్ల మన శరీరానికి శక్తి వస్తుంది. ఎందుకంటే ఎండు కొబ్బరిలో ఐరన్ పుష్కలంగా ఉంటుంది. తరచూ ఎండు కొబ్బరి తినడం వల్ల సంతాన లేమి సమస్యలు త‌గ్గుతాయి. క్యాన్సర్ వ‌చ్చే అవ‌కాశాలు కూడా త‌క్కువ. రోగ నిరోధక శక్తి పెర‌గ‌డంతో పాటు మెదడు ప‌ని తీరు మెరుగుప‌డుతుంది. అయితే మితంగా తీసుకున్నప్పుడే ప్రయోజనాలు కలుగుతాయి. ఎండు కొబ్బరి మంచిదే కదా అని ఎక్కువగా తీసుకుంటే మాత్రం సమస్యలు తప్పవు. అలాగే ఎండు కొబ్బరిని తీసుకోవడం వల్ల రోగనిరోధక శక్తి బలపడుతుంది. ఇతర వ్యాధులు కూడా నయమవుతాయి.
ఇందులోని గుణాలు దీర్ఘకాలిక వ్యాధుల నుండి ఉపశమనాన్ని అందించడమే కాకుండా శరీరంలోని కొలెస్ట్రాల్ ను సులభంగా తగ్గిస్తాయి. తరచూ అనారోగ్య సమస్యలతో బాధపడేవారు తప్పనిసరిగా ఆహారంలో కొబ్బరిని తీసుకోవాలి. ఎండు కొబ్బరిని తినడం వల్ల మన మెదడు పదును పెట్టడమే కాకుండా జ్ఞాపకశక్తిని కూడా మెరుగుపరుస్తుంది. అయితే ఈ ఎండు కొబ్బరిని పొడి లేదా తడి రూపంలో తినడం మన జుట్టుకు చాలా ఉపయోగకరంగా ఉంటుంది. ఎండు కొబ్బరి తినడం వల్ల మన జుట్టు రాలడాన్ని అరికట్టవచ్చు. ఇది క్రమంగా కొత్త జుట్టు పెరుగుదలను ప్రేరేపిస్తుంది. అలాగే మీ జుట్టు నల్లగా మెరుస్తుంది.