Protein Idli ఇడ్లీ అనగానే చాలా మంది హెల్దీ బ్రేక్ఫాస్ట్గా కన్సీడర్ చేస్తారు. అయితే, ఇది మిగతా వాటితో పోలిస్తే హెల్దీనే దీనిని మరింత ప్రోటీన్ రిచ్గా చేయాలంటే మాత్రం నార్మల్ రవ్వ ఇడ్లీ కాకుండా ఇంట్లోనే కొన్ని రకాల బీన్స్, పల్సెస్ వేసుకుని తయారుచేసి తీసుకోవచ్చు. ప్రోటీన్ కోసం రకరకాల ఫుడ్స్ తీసుకునేవారు. ఇడ్లీల్లోనే ప్రోటీన్ని యాడ్ చేసుకుంటే మంచిది కదా. అందుకోసం ఇడ్లీను హెల్దీగా ఎలా చేయాలో చూడండి.
ఇడ్లీలు సాధారణంగా మనం మినపప్పు, బియ్యం లేదా రవ్వతో కలిపి చేస్తాం. వీటిని మరింత హెల్దీగా, రిచ్గా తయారుచేసుకోవాలంటే మాత్రం మనం నార్మల్గా కాకుండా అందులో కొన్ని హెల్దీ పదార్థాలు మిక్స్ తయారు చేస్తాం. దీని గురించే డైటీషియన్ పావని మంచి ఇడ్లీ రెసిపీని షేర్ చేస్తున్నారు. ఆవిడ ప్రకారం, ఏయే పదార్థాలు కలిపి తయారుచేస్తే ఇడ్లీలు ప్రోటీన్ రిచ్గా మారతాయో చూద్దాం. వీటిని తినడం వల్ల ప్రోటీన్ తినట్లేదనే టెన్షన్ అవసరం లేదు.
ఏం కావాలి?
- మీరు కలిపే పిండి పరిమాణాన్ని బట్టి పదార్థాలను తీసుకోవచ్చు.
- ఓ కప్పు మినపప్పుకి
- అరకప్పు శనగలు
- అరకప్పు కిడ్నీ బీన్స్
- కొన్ని సగ్గుబియ్యం
- చిన్న టీస్పూన్ మెంతులు
- పావు కప్పు ఫూల్ మఖానా
పిండి ఎలా తయారు చేయాలి?
పదార్థాలన్నీ ముందుగా కడిగి 5 నుంచి 6 గంటల పాటు నానబెట్టాలి. అరగంట ముందు పూల్ మఖానా నానెబెట్టి వాటన్నింటిని కలిపి మిక్సీ పట్టాలి. దీనిని అప్పటికప్పుడు వేసుకున్నా మంచిదే. లేదంటే రాత్రంతా నానబెడితే మరింత సాఫ్ట్గా వస్తాయి. కాబట్టి, చక్కగా చేసుకుని తినొచ్చు. వీటికి అలవాటు పడితే నార్మల్ ఇడ్లీలు నచ్చవు.
ఇడ్లీలు వేయడం
ఇప్పుడు చెప్పిన బ్యాటర్ని మనం చక్కగా ఇడ్లీ ప్లేట్కి ముందుగా కొద్దిగా నెయ్యి లేదా నూనె రాసి క్యారెట్ లేదా కొత్తిమీర,లేదా బీట్రూట్ వేసి ఇడ్లీ బ్యాటర్ వేసి నార్మల్ ఇడ్లీల్లా ఉడికించాలి. అంతే సాఫ్ట్ ఇడ్లీలు రెడీ. వీటిని మీరు మీకు నచ్చిన చట్నీతో తినొచ్చు. ఒక్కో ఇడ్లీలో దాదాపు 5 గ్రాముల ప్రోటీన్ వరకూ అందుతుంది.
ప్రోటీన్ రిచ్ ఇడ్లీలతో బెనిఫిట్స్
నార్మల్ ఇడ్లీలా బదులు ప్రోటీన్ రిచ్గా తయారుచేసిన ఈ ఇడ్లీలను తీసుకుంటే కడుపు నిండుతుంది. క్రేవింగ్స్ తగ్గుతాయి. మెటబాలిజం పెరుగుతుంది. ఇన్సులిన్ రెసిస్టెన్స్ తగ్గుతుంది. బరువు తగ్గాలనుకునేవారికి ఇవి చక్కని ఆప్షన్. హై ప్రోటీన్ ఫుడ్ తినాలనుకునే వారు వీటిని చక్కగా తినొచ్చు.
బరువు తగ్గాలనుకుంటే
బరువు తగ్గాలనుకునేవారు ఈ ఇడ్లీలతో పాటు ఎక్కువగా నీరు తాగాలి. పైగా కొద్దిపాటి వర్కౌట్, వారి డైట్లో ఫైబర్ యాడ్ చేసుకుని తీసుకోవాలి. అంతేకాకుండా, పోర్షన్ కంట్రోల్ అనేది చాలా ముఖ్యం. ఎంత హెల్దీ అయినా ఎక్కువగా తినకుండా 3 లేదా 4 తింటే మీకు కావాల్సిన ప్రోటీన్ అందడమే కాకుండా, కడుపు నిండుతుంది.