వాస్తు ప్రకారంగా మనం పాటించే చిన్న చిన్న విషయాల్లో మనకు ఆర్థికపరంగా లాభాలను చేకూరుస్తాయని వాస్తు శాస్త్ర నిపుణులు చెబుతున్నారు. అందులో భాగంగానే వాస్తు ప్రకారం మీ ఇంట్లోని ఉత్తర దిశలో కొన్ని రకాల వస్తువులు పెట్టడం వల్ల చాలా మంచి జరుగుతుందట. ఇంతకీ ఆ వస్తువులు ఏంటో చెప్పు మనం తెలుసుకుందాం.. వాస్తు శాస్త్రంలో దిశలను ముఖ్యమైన వాటిగా భావిస్తారు. మొత్తం 4 దిక్కులు ఉంటాయి. ఉత్తరం, పడమర, తూర్పు, దక్షిణం. ఈ దిక్కులన్నీ ప్రత్యేక లక్షణాలను కలిగి ఉంటాయి. అయితే వాస్తు శాస్త్రంలో ఉత్తర దిశకు ఎంతో ప్రాముఖ్యత ఉంది.
ఉత్తర దిశను సానుకూల శక్తికి ప్రవేశ ద్వారంగా భావిస్తారు. అంతేకాదు ఈ దిశను దేవతల దిశ అని కూడా అంటారు. ఈ దిశలో సంపదకు అధిపతి అయిన కుబేరుడు నివాసిస్తున్నట్టుగా భావిస్తారు. అలాగే ఈ దిశను కూడా లక్ష్మీదేవి ఆవాసంగా భావిస్తారు. అందుకే డబ్బులు నగల లాకర్లను ఎల్లప్పుడూ ఉత్తర దిశలోనే ఏర్పాటు చేసుకోవాలని చెబుతున్నారు. ఈ దిశ కుబేరుడు, లక్ష్మీదేవి అనుగ్రహాన్ని మీకు కలిగిస్తుందట. అందుకే ఈ దిశలోనే లక్ష్మీదేవి విగ్రహాన్ని లేదా చిత్రాన్ని ప్రతిష్ఠించి పూజ చేయాలని చెబుతున్నారు. ఇలా చేయడం వల్ల లక్ష్మీదేవి సంతోషంగా ఉంటుందట. మీ ఇంట్లోనే ఉత్తర దిశలో మనీ ప్లాంట్ ను పెట్టడం వల్ల ఆర్థికంగా కలిసి వస్తుందట.
సంపదకు ఎలాంటి కొదవ ఉండదని చెబుతున్నారు. తులసిని ఉత్తర దిశలో ఉంచడం వల్ల కూడా ప్రయోజనకరంగా ఉంటుందట. ఇంటి వంటగది కూడా ఉత్తర దిశలోనే ఉంచాలి. వంటగది ఈ దిశలో ఉండటం వల్ల మీకు ఆహార కొరత అనేదే ఉండదు. అలాగే మీ ఇంటి వంటగది ఉత్తర దిశలోని గోడలకు లేత నీలం రంగును వేయాలనీ చెబుతున్నారు.