Ugadi 2024 : ఈ సంవత్సరం ఏమేం జరుగుతాయో చెప్పేసిన ‘నవనాయక ఫలితాలు’

నవనాయక ఫలితాలు ఇలా ఉన్నాయ్..

క్రోధినామ సంవత్సరానికి రాజు కుజుడు, మంత్రి శని, సేనాధిపతి-శుక్రుడు. నవనాయక ఫలితాల ఆధారంగా ఈ సంవత్సరం  మిశ్రమ పరిస్థితులు ఉంటాయని పండితులు చెబుతున్నారు. ఇక ఈ సంవత్సరానికి ధాన్యాధిపతి-రవి,  రాజవాహనం- నౌక, పశుపాలకుడు-యముడు, గోష్ఠాగార ప్రాపకుడు (స్థాన సంరకక్షుడు)- శ్రీకృష్ణుడు, మేఘాధిపతి-శుక్రుడు,  సస్యాధిపతి-కుజుడు, అర్ఘ్యాధిపతి-శుక్రుడు, రసాధిపతి-గురు, నీరసాధిపతి-కుజుడు. వీరిలో ఎవరెవరి ప్రభావం వల్ల ఈ ఏడాది ఏం జరుగుతుందో తెలుసుకుందాం..

రెండు తూముల వర్షం

ఈ సంవత్సరానికి రాజు కుజుడు కావడంతో రెండు తూముల భారీ వర్షం కురుస్తుందని అంటున్నారు.  లోకంలో అగ్నిభయం, శస్త్ర భయం పెరుగుతాయట. పంటల దిగుబడి తగ్గుతుంది. దొంగల భయం పెరుగుతుంది. యుద్ధ వాతావరణం ఉంటుంది. బొగ్గు, పెట్రోలు, బంగారం, వెండి, ఇనుము, ఇత్తడి, ఉల్లిగడ్డలు, తేయాకు, పసుపు, సిమెంటు తదితర వస్తువుల ధరలు పెరుగుతాయి.

ఆకలి బాధలు

ఈ సంవత్సరానికి రాజ వాహనం నౌక కావడంతో  ఆకలి బాధలు పెరుగుతాయి. కరువు పరిస్థితులు నెలకొంటాయి. పశువులకు నష్టం వాటిల్లుతుంది.

పాలకులు పీడిస్తారు

ఈ సంవత్సరానికి మంత్రిగా శని ఉండటం వల్ల  వర్షం చాలా తక్కువగా కురుస్తుంది. పంట విస్తీర్ణం తగ్గిపోతుంది. పాలకులు ప్రజలను పీడిస్తారు. ధన, మాన, ప్రాణ హాని కలుగుతుంది.

స్త్రీలకు రక్షణ కరువు

ఈ సంవత్సరానికి సేనాధిపతిగా శుక్రుడు ఉన్నందున వర్షపాతం మోస్తరుగా కురుస్తుంది. పత్తి, నూలు, దుస్తులు, బంగారం ధరలు పెరుగుతాయి. స్త్రీలకు రక్షణ కరువవుతుంది.

Also Read :Glaucoma : లక్షణాలు బయటపడవు.. కానీ కళ్లుపోతాయ్.. ‘గ్లకోమా’ డేంజర్ బెల్స్!

Also Read : Credit Cards Vs Doubts : క్రెడిట్‌ కార్డు‌లపై సవాలక్ష డౌట్స్.. ఆర్‌బీఐ సమాధానాలివీ