‎Vastu Tips: ఇంటిపై ఈ మూడు చెట్ల నీడ పడటం అశుభం అని మీకు తెలుసా?

Vastu Tips: హిందువులు చెట్లను దేవుళ్లుగా భావించి పూజలు చేస్తుంటారు. మరికొన్ని చెట్లను అశుభంగా భావిస్తారు. చెట్లు, మొక్కలు ఇంటికి అదృష్టం సానుకూల శక్తిని తెస్తాయట. కానీ కొన్ని చెట్లు ఇంటి ఆవరణలో ఉండడం శుభంగా పరిగణించరు అని చెబుతున్నారు. వాటి నీడ కూడా ఇంటిపై పడటం అశుభంగా భావిస్తారు. చెట్ల నీడ నేరుగా ఇంటిపై పడితే, ఇది ఇంటి యజమాని నుంచి మొత్తం కుటుంబానికి అడ్డంకులు, ధన నష్టం , మానసిక ఒత్తిడికి కారణం కావచ్చని నమ్ముతారు. హిందువుల పూజించే చెట్లలో రావి చెట్టు కూడా ఒకటి. రావి చెట్టులో దేవతలు నివసిస్తారు.
‎
‎కానీ దీనితో పాటు, రావి చెట్టులో పూర్వీకులు కూడా నివసిస్తారని చెబుతున్నారు. శాస్త్రాల ప్రకారం, రావి చెట్టు నీడ ఇంటిపై పడటం మంచిది కాదట. దాని శక్తి ఆధ్యాత్మికమైనది అయినప్పటికీ, ఇది ఇంటి భౌతిక సౌకర్యాలు, కుటుంబ జీవితం సమతుల్యతను ప్రభావితం చేస్తుందని చెబుతున్నారు. అందువల్ల, రావి చెట్టును దేవాలయాలు, కూడళ్లు లేదా బహిరంగ ప్రదేశాలలో నాటడం మంచిదని, కాబట్టి ఈ చెట్టు ఇంటి చుట్టూ ఉండకుండా చూసుకోవడం చాలా ముఖ్యం అని చెబుతున్నారు. శాస్త్రాలలో చింత చెట్టు నీడను భారీ నీడ అని పిలుస్తారు. అందుకే పెద్దలు కూడా సాయంత్రం తర్వాత చింత చెట్టు దగ్గరకు వెళ్లకూడదని లేదా చింత చెట్టు కింద కూర్చోకూడదని చెబుతున్నారు.
‎
‎ఈ చెట్టు నీడ పడే లేదా చింత చెట్టు ఉన్న ఇంట్లో బద్ధకం, వ్యాధులు మానసిక ఒత్తిడి పెరుగుతుందని నమ్మకం. మారేడు చెట్టు, పండ్లు, ఆకులు అన్నీ చాలా పవిత్రమైనవిగా పరిగణించబడతాయి. ముఖ్యంగా మారేడు చెట్టు శివునికి చాలా ఇష్టం. కానీ మారేడు చెట్టు కూడా ముళ్ళతో ఉంటుంది. కాబట్టి వాస్తు ప్రకారం, ఇంట్లో ముళ్ళ చెట్టును నాటడం మంచిది కాదట. అలాగే మారేడు పెద్ద చెట్టు ఇంటికి చాలా దగ్గరగా ఉండటం కూడా మంచిది కాదట. దీనికి కారణం మారేడు నీడలో తీవ్రమైన శక్తి ఉంటుంది. ఇది ఇంటి ప్రశాంతమైన వాతావరణాన్ని ప్రభావితం చేస్తుందట. రావి, మారేడు, చింతతో పాటు, మందారం, ఖర్జూరం, గోరింటాకు, రేగు లాంటి ముళ్ల చెట్లు బొప్పాయి, సపోటా లాంటి పాల చెట్లు కూడా ఇంటికి మంచివి కావట.ఒకవేళ ఇంట్లో ఇప్పటికే ఈ చెట్లు ఉంటే కొన్ని పనులు చేయాల. సూర్యాస్తమయం సమయంలో ఇంటి ప్రధాన ద్వారం వద్ద దీపం వెలిగించాలట. మీ ఇంటి పెరట్లో తులసి మొక్కను నాటాలట. ఇది చుట్టుపక్కల ఉన్న ఏదైనా ప్రతికూల చెట్టు ప్రభావాన్ని తగ్గిస్తుందట. ఈ చెట్ల నీడ ఇంటిపై పడకుండా కొమ్మలను ఎప్పటికప్పుడు కట్ చేయాలట.