మహా శివరాత్రి (Maha Shivaratri) హిందూమతంలో అత్యంత పవిత్రమైన పండుగలలో ఒకటి. ఈ రోజు భక్తులు భగవాన్ శివునికి ప్రత్యేక పూజలు నిర్వహించి, ఉపవాసం పాటిస్తూ, జాగరణ చేస్తారు. ఈ సందర్భంగా శరీరానికి అవసరమైన శక్తిని అందించేందుకు ప్రత్యేక ఆహారాలను తీసుకోవడం మంచిది. వాటిలో చిలగడదుంప (Sweet Potato) ప్రాముఖ్యత ఎంతో ఎక్కువ. ఈ దుంపలో ఫైబర్, పొటాషియం, ఐరన్, స్టార్చ్, బీటా కెరోటిన్ పుష్కలంగా ఉంటాయి. వీటి వల్ల శరీరానికి తగిన శక్తి అందడంతో పాటు, పొట్ట నిండిన అనుభూతి కలుగుతుంది. అందుకే శివరాత్రి ఉపవాస సమయంలో చిలగడదుంపను ఉడకబెట్టి తినటం ఆచారం అయ్యింది.
Maha Shivaratri 2025 : మహా శివరాత్రి రోజు ఈ తప్పులు అస్సలు చేయకండి
చిలగడదుంప తినడం వల్ల ఎన్నో ఆరోగ్య ప్రయోజనాలు ఉన్నాయి. ముఖ్యంగా, ఇందులో ఉండే ఐరన్, బీటా కెరోటిన్ వల్ల కంటిచూపు మెరుగవుతుంది. అలాగే, ఫైబర్ అధికంగా ఉండటం వల్ల జీర్ణక్రియ మెరుగుపడుతుంది. రోగనిరోధక శక్తిని పెంచే గుణాలు దీనిలో సమృద్ధిగా ఉండటం వల్ల శరీరాన్ని రోగాల నుంచి రక్షించగలదు. మరీ ముఖ్యంగా దీన్ని తినడం వలన పొట్ట నిండిన అనుభూతి కలిగించి, ఉపవాసాన్ని సులభంగా కొనసాగించేందుకు సహాయపడుతుంది. కాబట్టి, మహా శివరాత్రి రోజున చిలగడదుంపను తినడం భక్తుల ఆరోగ్యానికి ఎంతో మేలు చేస్తుంది.
Mahashivratri: మహాశివరాత్రి నాడు శివుడిని పూజించాలంటే ఏ రంగు దుస్తులు ధరించాలి?
శివరాత్రి నాడే కాకుండా రోజువారీ ఆహారంలో కూడా చిలగడదుంపను చేర్చుకోవడం వల్ల ఆరోగ్య పరంగా అనేక ప్రయోజనాలు పొందవచ్చు. ఇది అధిక కొవ్వు లేకుండా శరీరానికి అవసరమైన పోషకాలను అందించే ప్రాకృతిక ఆహారం. బరువు తగ్గే లక్షణాలను కలిగి ఉండటంతో, తక్కువ కేలరీలు తీసుకోవాలనుకునే వారికి ఇదొక ఉత్తమ ఆహారంగా చెప్పవచ్చు. వైద్యుల సూచన ప్రకారం, దీన్ని ప్రతిరోజు తీసుకోవడం ఆరోగ్యానికి ఎంతో మేలు చేస్తుంది. శివరాత్రి ఉపవాసంలో దీని ప్రాముఖ్యతను అర్థం చేసుకుని, ఆరోగ్యకరమైన జీవనశైలిని అలవర్చుకోవడం మంచిది.