August Festivals – 2024 : ఈ ఏడాది ఆగస్టు 5 నుంచి శ్రావణ మాసం ప్రారంభం అవుతుంది. ఇది శ్రీ మహాలక్ష్మికి అత్యంత ప్రీతిపాత్రమైన మాసం. అందుకే ఈ నెలలో పూజలు, నోములు, వ్రతాలు, ఉపవాసాలు ఎక్కువగా ఉంటాయి. పౌర్ణమినాడు చంద్రుడు శ్రవణ నక్షత్రంలో సంచరిస్తాడు. అందుకే ఈ మాసానికి శ్రావణం అనే పేరొచ్చింది. కలియుగదైవం శ్రీ వేంకటేశ్వరుడి జన్మ నక్షత్రం కూడా శ్రవణమే. చాంద్రమానం ప్రకారం 12 నెలల్లోని ఐదో నెల శ్రావణ మాసమే. ఆగస్టులో ఏ పండుగలు(August Festivals – 2024) ఎప్పుడు వస్తాయనేది మనం తెలుసుకుందాం..
We’re now on WhatsApp. Click to Join
- శ్రావణ మాసం మొదటి రోజు(ఆగస్టు 5) నుంచి పూర్ణిమ వచ్చే వరకు వచ్చే 15 రోజుల పాటు ఆయా తిథులను అనుసరించి దేవతలకు పవిత్రారోపణం చేస్తారు. దర్భలతో చేసిన తోరణాలను దేవతలకు అర్పించడమే పవిత్రారోపణం.
- ఆగస్టు 6న శ్రావణ శుద్ధ విదియ అంటారు. దీన్నే ‘మనోరథ ద్వితీయ’ అని పిలుస్తారు. ఈ రోజు ఉపవాసం ఉండి వాసుదేవుడిని పూజించి, సూర్యాస్తమయం తర్వాత భోజనం చేయాలి.
- ఆగస్టు 7న ఉత్తర భారతదేశంలోని కొన్నిప్రాంతాల్లో మధు శ్రావణీ వ్రతం పాటిస్తారు.
Also Read :Credit Cards : ఈ క్రెడిట్ కార్డులతో ఆదాయపు పన్ను చెల్లిస్తే రివార్డ్స్
- ఆగస్టు 8న నాగులకు పూజ చేస్తారు. విఘ్నేశ్వరుడి పూజకు ఈ తిథి చాలా మంచిది.
- ఆగస్టు 9న గరుడ పంచమి/నాగ పంచమి నిర్వహిస్తారు. ఈ రోజు విశిష్టత గురించి పార్వతీదేవికి శివుడు చెప్పాడని ‘హేమాద్రి ప్రభాస ఖండం’లో ప్రస్తావన ఉంది.
- ఆగస్టు 11న సూర్యుడి ఆరాధనకు ప్రాధాన్యత ఉంది. ఆ రోజున ద్వాదశ సప్తమీ వ్రతం ఆచరిస్తారు.
- ఆగస్టు 12 దుర్గాదేవి పూజకు అనుకూలం. ఏడాది మొత్తం ప్రతినెలా అష్టమిరోజున దుర్గమ్మను పూజించడం శుభప్రదం.
- ఆగస్టు 13న మంగళగౌరి వ్రతాన్ని ఆచరిస్తారు.
- ఆగస్టు 14న ఆశా దశమి నిర్వహిస్తారు. ఈ రోజు చేసే పూజలతో కోరికలు నెరవేరుతాయని నమ్ముతారు.
- ఆగస్టు 15న పుత్ర ఏకాదశి ఉంది. మహిజిత్తు అనే రాజుకు ఈ రోజు చేసిన వ్రత ఫలితంగా పుత్రుడు జన్మించాడట. అందుకే దీనికి పుత్ర ఏకాదశి అనే పేరొచ్చింది.
- ఆగస్టు 16న(శుక్రవారం) వివాహితులు వరలక్ష్మీ వ్రతం ఆచరిస్తారు.
- ఆగస్టు 17న (శనివారం) శని ప్రభావంతో బాధపడే వారు ప్రత్యేక రోజుల చేయడం మంచిది.
- ఆగస్టు 18న పరమేశ్వరుడికి పవిత్రారోపణం చేస్తారు.
- ఆగస్టు 19న రాఖీ పౌర్ణమి, హయగ్రీవ జయంతి ఉన్నాయి.
- ఆగస్టు 20న ధనప్రాప్తి వ్రతం మొదలుపెట్టి భాద్రపద పౌర్ణమి వరకు కొనసాగిస్తారు.
- ఆగస్టు 21.. శ్రీరాఘవేంద్రస్వామి ఆరాధన తిథి ఇదే.
- ఆగస్టు 23న గోపూజ చేయడం శుభప్రదం.
- ఆగస్టు 24న రక్షా పంచమి వ్రతం నిర్వహిస్తారు.
- ఆగస్టు 25న బలరామ జయంతిని నిర్వహిస్తారు.
- ఆగస్టు 26న శ్రీకృష్ణ జన్మాష్టమి. శ్రీ కృష్ణుడికి పూజలు చేస్తారు. సాయంత్రం వేళ ఉట్లు కట్టి కొట్టే ఉత్సవం జరుగుతుంది.
- ఆగస్టు 27న చండికా పూజ, కౌమారి పూజ, గోకులాష్టమి నిర్వహిస్తారు.
- సెప్టెంబరు 2న పొలాల అమావాస్య నిర్వహిస్తారు.
- సెప్టెంబరు 3న సూర్యోదయానికి అమావాస్య ఉండడంతో.. దాన్ని శ్రావణమాస అమావాస్యగా పిలుస్తారు.
- సెప్టెంబరు 4న భాద్రపద మాసం ప్రారంభం అవుతుంది.