Nagula Chavithi : ఇవాళ నాగుల చవితి.. వర్జ్యం, దుర్ముహూర్తం ఇదీ..

పండితుల కథనం ప్రకారం.. మానవ శరీరమనే పుట్టకు నవరంధ్రాలు ఉంటాయి. శరీరంలో నాడులతో నిండి ఉన్న వెన్నెముకను ‘వెన్నుపాము’ అని కూడా పిలుస్తారు. కుండలినీ శక్తి అనేది మూలాధార చక్రంలో “పాము” ఆకారంలా ఉంటుందని యోగశాస్త్రం చెబుతోంది. ఇది మానవ శరీరంలో నిద్రిస్తున్నట్టు నటిస్తూ.. కామ, క్రోధ, లోభ, మోహ, మద, మాత్సర్యాలు అనే విషాల్ని కక్కతూ.. మనిషిలో ఉన్న సత్వగుణాన్ని హరిస్తుంది. అందుకోసమే నాగుల చవితిరోజున పాము పుట్టలను ఆరాధించి పాలుపోస్తే మనిషిలో ఉన్న విషసర్పం శ్వేతత్వం పొందుతుందని చెబుతారు.

పాములు పాలు తాగవు.. కానీ.. 

పాములు పాలు తాగవన్నది నిజమే. అవి సరిసృపాలు కాబట్టి వాటికి జీర్ణవ్యవస్థ ఉండదు. కానీ నాగులు, దేవతాసర్పాలు అందుకు భిన్నంగా ఉంటాయి. భక్తికి మెచ్చిన నాగదేవతలు అనేకరూపాల్లో దర్శనమిచ్చి పూజలు అందుకుంటాయి. ఆరోగ్యాన్ని, సంతానాన్ని అనుగ్రహిస్తాయి. దేవతాసర్పాలకు కూడా శక్తులు ఉంటాయి. అవి కొన్ని ప్రత్యేకమైన క్షేత్రాల్లో ఇప్పటికీ ఉన్నాయని హిందువుల విశ్వాసం. కొన్ని ఆలయాల్లో పాములకు పూజలు చేయడం, పాములు అప్పుడప్పుడు కనిపించి మాయమవడమే ఇందుకు ఉదాహరణ అని పండితులు(Nagula Chavithi) చెబుతుంటారు.