మామూలుగా మన ఇంట్లో ఎర్ర చీమలు నల్ల చీమలు అలాగే నల్ల గండు చీమలు వంటివి చూస్తూ ఉంటాం. అయితే ఈ ఎర్ర చీమలు కుట్టినప్పుడు కొంచెం మంటగా దురదగా నొప్పిగా ఉంటుందని చాలా మంది వాటిని చంపేస్తూ ఉంటారు.. ఈ నల్ల చీమలకు మాత్రమే ఎలాంటి హాని తలపెట్టారు. నల్ల చీమలు ఇంట్లోకి రావడం అన్నది చాలా అదృష్టంగా కూడా కొంతమంది భావిస్తూ ఉంటారు. నల్ల చీమలను చాలా శుభప్రదంగా భావిస్తారు. కాబట్టి మీ ఇంటి చుట్టూ నల్ల చీమలు తిరుగుతున్నట్లు మీరు చూస్తే, త్వరలో మీ సంపదలో గణనీయమైన పెరుగుదల ఉంటుందని అర్థం అంటున్నారు పండితులు.
మరోవైపు ఎర్ర చీమలు దురదృష్టాన్ని తెస్తాయని భావిస్తారు. ఇంట్లో ఎర్ర చీమలు అంటే సంపద కోల్పోవడాని సంకేతమని చెబుతున్నారు. అలాగే మన ఇంట్లో బియ్యం పెట్టే లేదా సంచి నుండి చీమలు బయటకు వస్తే అది నీకు ఎక్కడి నుంచో డబ్బులు త్వరలో వస్తుందని సంకేతం అని చెబుతున్నారు. అలాగే మీ బంగారు ఆభరణాలను నిల్వచేసే ప్రదేశాలలో చీమలు కనిపిస్తే మీ బంగారు వస్తువులు లభిస్తాయని అర్థం అంటున్నారు. చీమలు ఉత్తరం నుండి వస్తున్నట్లయితే అది ఆనందాన్ని సూచిస్తుందట. అవి దక్షిణం నుండి వస్తున్నట్లయితే అది లాభాలను సూచిస్తుంది.
తూర్పు నుండి వస్తున్న చీమలు అంటే మీరు కొన్ని ప్రతికూల వార్తలు వింటారు అవి పశ్చిమ దిశలో ఉంటే మీరు త్వరలో విదేశాలకు వెళ్లే అవకాశాలు ఎక్కువగా ఉన్నాయని చెబుతున్నారు.. కాగా ఎర్ర చీమలు చెడు శకునాన్ని తెస్తాయని నమ్ముతారు. కాబట్టి మీరు వాటిని మీ ఇంట్లో చూసినట్లయితే, వెంటనే వాటిని తొలగించాలట. అయితే ఎర్ర చీమలు నోటిలో గుడ్లు పెట్టుకుని మీ ఇంటి నుండి బయటకు వెళితే అది మంచి సంకేతంగా భావించాలట. నల్ల చీమలు శుభప్రదమైనవిగా చెబుతున్నారు. ఆనందం, శాంతి, శ్రేయస్సును సూచిస్తున్నప్పటికీ, అవి పెద్ద సంఖ్యలో ఉండకూడదట. అవి మీ ఇంట్లో సంతానోత్పత్తి చేస్తుంటే, వాటికి బయటపడే మార్గాన్ని చూపించడానికి తగిన చర్యలు తీసుకోవాలని పండితులు చెబుతున్నారు.