భోగభాగ్యాల భోగి పండుగ శుభాకాంక్షలు.. మీ స్నేహితులకు, బంధువులకు ఇలా స్పెషల్ కోట్స్, విషెస్‌తో చెప్పేయండి!

మూడు రోజుల సంక్రాంతి పండుగలో మొదటిది భోగి పండుగ (Bhogi 2026). ధనుర్మాసానికి ముగింపు. భక్తి శ్రద్ధలతో ధనుర్మాస వ్రతాన్ని ఆచరించిన గోదా దేవి శ్రీరంగనాథుడి పత్నిగా సౌభాగ్యానికి నోచుకున్న పుణ్య ఘట్టానికి సంకేతమే ఈ భోగి పండుగ (Bhogi Festival 2026). లేమి చీకట్ల నుంచి భోగ వికాసాల్లోకి దారిచూపే ఆ మంటలనే భోగిమంటలు అంటాం. ఆ మరుసటి రోజు నుంచి ఆరంభమయ్యే ఉత్తరాయణం పుణ్యకాలాన్ని నూతన జీవనానికి ఆహ్వాన చిహ్నంగా భావిస్తాం.

మాట ద్వారా మనిషి ఆలోచనలను ఎలా గ్రహించవచ్చో.. పండుగల ద్వారా ఒక జాతి ఆచారాలను గ్రహించడానికి పండుగలు అలాగ అనడంలో ఎలాంటి సందేహం లేదు. ప్రతి ప్రాంతంలో పండుగలు జరుపుకునే తీరు ఎన్నో ఆధ్యాత్మిక, ఆచార, సంస్కృతి, సంప్రదాయాలను తెలియజేస్తుంది. కాబట్టే పండుగలను జాతికి జీవనాడిగా చెబుతారు. వాటిని మన సంస్కృతిలో భాగంగా పరిగణిస్తారు. అయితే ఈ పండుగల్లో మనుషులకు మాత్రమే కాదు జంతువులకు, ప్రకృతికి , ఈ సృష్టిలో సమస్త జీవజాలానికి భాగం పంచారు. పశుపక్షాదులు సైతం మానవ పరివారంలో భాగమే అన్నది ఈ పండుగల ద్వారా పెద్దలు మనకందించిన సందేశం. పైన చెప్పిన వాటన్నింటికీ చక్కటి ఉదాహరణ సంక్రాంతి పండుగ (Sankranti 2026). ఇంతటి విశిష్టత ఉన్న సంక్రాంతి పండుగ వేళ మన కుటుంబ సభ్యులకు, బంధుమిత్రులకు చెప్పే శుభాకాంక్షలు సైతం అంతే అందంగా, హృద్యంగా ఉండాలి.

ఈ భోగి మంటలు మీ ఇంట
సరికొత్త వెలుగులు నింపాలని మనస్ఫూర్తిగా కోరుకుంటూ..
భోగి పండుగ శుభాకాంక్షలు 2026

ఇంటికొచ్చే పాడి పంటలు
కమ్మనైన పిండి వంటలు
చలికాచే భోగి మంటలు
ఆనందంగా ఉండే కొత్త జంటలు
ఈ సంక్రాంతి మీ ఇంట కాంతులు వెల్లివిరియాలని కోరుకుంటూ
భోగి పండుగ శుభాకాంక్షలు 2026

అగ్నిం ప్రపద్యే భోగదాం భోగినీ భోగదాయినీ
పాపదాహక భోగేశి మమ దేహం శుద్ధయతాం
అర్థం: ఓ అగ్ని దేవా నీవు భోగభాగ్యాలను ప్రసాదించే వాడవు. నా పాపాలను దహనం చేసి శుద్ధిని ప్రసాదించు తండ్రీ!
భోగి పండుగ శుభాకాంక్షలు 2026

భోగి పర్వ దినే పుణ్యే హృదయంలో దహతాం మలం
ఉద్భవతు శుభో భావః సత్యధర్మారాధనాత్మకః
అర్థం: ఈ భోగి పర్వదినాన మన మనసులోని చెడు ఆలోచనలు దహించబడాలి. సత్యం, ధర్మం, శుభం మన మదిలో మెదలాలి. భోగి పండుగ శుభాకాంక్షలు 2026

భోగి మంటల వెచ్చని వెలుగులు
రంగు రంగుల రంగవల్లులు
కొత్త బియ్యపు పొంగళ్లు
మదినిండా ఆనందపు పరవళ్లు కలగాలని కోరుకూంటూ
భోగి పండుగ శుభాకాంక్షలు 2026

కష్టాలను దహించే భోగి మంటలు
భోగాలను కలిగించే భోగి పళ్లు
అల్లుళ్లకు స్వాగతం పలికే తోరణాలు
ధాన్యపు రాశులతో నిండిన ఇళ్లు
అందరికీ భోగి పండుగ శుభాకాంక్షలు 2026

పచ్చటి తోరణాలతో.. పాడి పంటలతో
భోగి సందళ్లతో.. ముంగిట ముగ్గులతో
సంక్రాంతికి స్వాగతం.. సుస్వాగతం
అందరికీ భోగి పండుగ, సంక్రాంతి శుభాకాంక్షలు 2026