Silver Turtle: వెండి తాబేలు ఇంట్లో పెట్టుకోవడం వల్ల కలిగే లాభాలు ఇవే?

సాధారణంగా ఇంట్లో, వ్యాపార స్థలాలలో అలాగే ఆఫీసులలో వాస్తు ప్రకారం గా కొన్ని రకాల విగ్రహాలను వస్తువులను

  • Written By:
  • Publish Date - March 23, 2023 / 06:00 AM IST

సాధారణంగా ఇంట్లో, వ్యాపార స్థలాలలో అలాగే ఆఫీసులలో వాస్తు ప్రకారం గా కొన్ని రకాల విగ్రహాలను వస్తువులను పెట్టుకుంటారు. వాస్తు ప్రకారంగా ఆ వస్తువులను పెట్టుకోవడం వల్ల ఆర్థికంగా లాభం చేకూరడంతో పాటు ఆనందం శ్రేయస్సు ప్రశాంతత లభిస్తుంది. అయితే వాస్తు నియమాలు పాటించకపోతే మనిషిపై మానసికంగా మాత్రమే కాకుండా శారీరకంగా ప్రభావం పడుతుంది. ఈ మధ్యకాలంలో వాస్తు చిట్కాలను వాస్తు పరికరాలు పాటించే వారి సంఖ్య అంతకంతకూ పెరుగుతూనే ఉంది.

వాస్తు నియమాలను పాటించకపోతే ఆర్థికపరమైన సమస్యలను కూడా ఎదుర్కోవాల్సి ఉంటుంది. అయితే వాస్తు దోషాల నుంచి, అలాగే కష్టాల నుంచి విముక్తి పొందాలి అంటే వాస్తు శాస్త్ర ప్రకారం గా కొన్ని రకాల వస్తువులను ఇంట్లో పెట్టుకోవాల్సిందే. అందులో వెండి తాబేలు కూడా ఒకటి. ఇంట్లో వెండి తాబేలు పెట్టుకోవడం వల్ల డబ్బుకు లోటు ఉండదు. అదేవిధంగా శారీరక సమస్యలు కూడా దూరమవుతాయి. వ్యాపారంలో నష్టాలు ఉన్నవారు వెండి తాబేలుతో చేసిన ఉంగరాన్ని పెట్టుకుంటే మంచిది. అయితే తాబేలును పచ్చి పాలతో పూజించిన తర్వాతనే చేతికి పెట్టుకోవాలి.

ఇంట్లో వెండి తాబేలు విగ్రహాన్ని ఉత్తరంలో ఉంచుకోవడం వల్ల మంచి జరుగుతుంది. తాబేలును ఉత్తరాన ఉంచుకుంటే పాత్రలో కొంచెం నీరు పోసి అందులో తాబేలును పెట్టాలి. అలాగే పిల్లలు ఎంత చదివిన చదువులో ఆశించిన ఫలితాలు అందుకోలేక పోతుంటే వెండి తాబేలును వారు చదువుకుంటున్న స్థలంలో పెట్టుకుంటే పిల్లల మనసు ప్రశాంతంగా ఉండి చదువుపై ద్రుష్టి పెడతారట. అంతేకాకుండా పిల్లలు చదువులో రాణిస్తారు.