మామూలుగా మనం వారాలలో శనివారం రోజున తెలిసి తెలియక చిన్న చిన్న తప్పులు చేస్తూ ఉంటాం. వాటి వల్ల అనేక రకాల సమస్యలు వస్తాయని చెబుతున్నారు. ముఖ్యంగా శనివారం రోజు శని భగవానుడుని ఎక్కువగా పూజిస్తూ ఉంటారు. శనివారం శనీశ్వరుడికి అంకితం చేయబడింది. కాబట్టి ఈ రోజున కొన్ని రకాల పనులు చేస్తే శని దేవుడి ఆగ్రహానికి గురవక తప్పదు అంటున్నారు. మరి శనివారం రోజు పొరపాటున కూడా ఎలాంటి పనులు చేయకూడదు ఇప్పుడు మనం తెలుసుకుందాం.. పొరపాటున కూడా శనివారం రోజు కొత్త చీపురును కొనుగోలు చేయకూడదట.
శనివారం రోజున కొత్త చీపురు కొనుగోలు చేస్తే శని దేవుడు ప్రతికూల ప్రభావం చూపే అవకాశం ఉంటుందట. అలాగే శనివారం రోజు నల్లటి దుస్తులు ధరిస్తే మంచిదని భావిస్తుంటారు. అయితే బ్లాక్‌ షూస్‌ ధరించడం మంచిది కాదని శాస్త్రం చెబుతోంది. మరీ ముఖ్యంగా ఏదైనా శుభ కార్యం కోసం బయటకు వెళితే, అపజయం వచ్చే అవకాశాలు పెరుగుతాయని చెబుతున్నారు. ఈ రోజు ఎట్టి పరిస్థితులలో కొనుగోలు చేయకూడని వాటిలో కత్తెర కూడా ఒకటి. ఈ రోజున కత్తెర కొనుగోలు చేయడం వల్ల ఇంట్లో గొడవలు జరిగే అవకాశం ఉంటుందట. అలాగే వైవాహిక జీవితంలో ఇబ్బందులు ఏర్పడే అవకాశం ఉంటుందని చెబుతున్నారు. కత్తెర సంబంధంలో చీలిక తెస్తుందని నమ్ముతారు. అందుకే శనివారం కత్తెర కొనుగోలు చేయకూడదట.
శనివారం రోజున ఎరుపు రంగు దుస్తులు ధరించకూడదని పండితులు చెబుతున్నారు. అలాగే ఎరుపు రంగులో ఉన్న వస్తువులు కూడా కొనుగోలు చేయకూడదని అంటున్నారు. సాధారణంగా ఎరుపు రంగును అంగారకుడికి సూచనగా భావిస్తుంటారు. కుజుడు ,శని రెండు వ్యతిరేక గ్రహాలు కావడంతో ఇబ్బందులకు దారి తీస్తయని విశ్వసిస్తారు. శనివారం రోజును ఎవరికీ ఉప్పును దానంగా ఇవ్వకూడదట. శనివారం రోజున ఉప్పును దానం చేసినా, లేదా స్వీకరించినా రుణగ్రస్తుడిగా మారుతారని నమ్ముతారు. అంతేకాకుండా శనివారం రోజున ఉప్పును కొనుగోలు చేయడం కూడా మంచిది కాదని అంటున్నారు. ఇలా చేస్తే అప్పుల భారం పెరిగే అవకాశం ఉంటుందని అంటున్నారు. ఇక శనివారం రోజు ఇనుముతో చేసిన వస్తువులను కొనుగోలు చేయడం కూడా మంచిది కాదని శాస్త్రం చెబుతోంది. శనివారం రోజున ఇలాంటి వస్తువులను కొనుగోలు చేయడం వల్ల శని దేవుని ఆగ్రహానికి దారితీస్తుంది. ఇక ఇంట్లో కొత్తగా కొనుగోలు చేసిన ఇనుము వస్తువులు ఉన్నా సరే వాటిని శనివారం మొదటి సారి ఉపయోగించకూడదని అంటున్నారు. అలాగే శనివారం రోజున ఆవనూనె కొనకూడదని జ్యోతిష్య శాస్త్రం చెబుతోంది. శనివారం రోజు శనికి నూనె నైవేద్యంగా పెట్టడం ఆనవాయితీ కాబట్టి ఈ రోజు ఎవరికైనా దానం చేస్తేనే నూనె కొనాలట. అలా దానం చేయకపోతే శనివారం రోజు నూనెను కొనుగోలు చేయకపోవడమే మంచిది అని చెబుతున్నారు. అలాగే శనివారం నాడు కొనే ఆవనూనెను ఆహారంగా వాడితే ఆరోగ్యంపై ప్రభావం చూపుతుందని అంటున్నారు.