సంక్రాంతి అంటే ఏమిటి ? సూర్యుడు ఒక రాశి నుంచి మరొక రాశిలోకి మారిన తేదీని సంక్రాంతి అంటారు. సూర్యభగవానుడు ప్రవేశించే రాశిచక్రం లేదా గ్రహం పేరు మీద ఆ సంక్రాంతికి పేరు(VRISHABHA SANKRANTI 2023) వస్తుంది. ప్రస్తుతం మేషరాశిలో ఉన్న సూర్యుడు మే 15న (సోమవారం) ఉదయం 11.58 గంటలకు వృషభరాశిలోకి ఎంటర్ అవుతాడు. దీన్నే “వృషభ సంక్రాంతి” అంటారు. ఈ టైమ్ లో పుణ్యకాల, మహాపుణ్యకాలాలలో స్నానం, దానం చేయడంతో పాటు సూర్యభగవానుడిని పూజించడం వల్ల జాతకంలో ఉన్న గ్రహదోషాలు తొలగిపోతాయి. వృషభ సంక్రాంతి శుభ సమయం యొక్క మొత్తం వ్యవధి 7 గంటల 3 నిమిషాలు. ఈ రోజు తెల్లవారుజామున 04.55 గంటల నుంచి 11.58 గంటల వరకు శుభ ముహూర్తాలు ఉంటాయి. వృషభ సంక్రాంతి రోజున జరిగే మహా పుణ్యకాల మొత్తం వ్యవధి 2 గంటల 14 నిమిషాలు. ఈ రోజున మహాపుణ్యకాలం ఉదయం 09:44 గంటలకు ప్రారంభమై 11:58 గంటలకు ముగుస్తుంది. వృషభరాశిలో సూర్యుడి సంచారం అనేది 12 రాశుల వారి జీవితాలను ప్రభావితం చేస్తుంది. ఈ రాశిలో సూర్యుడు జూన్ 15 వరకు ఉంటాడు. జూన్ 15న సాయంత్రం 06.29 గంటలకు మిథునరాశిలోకి సూర్యుడు వెళ్తాడు.
ALSO READ : Lord Shiva Tulsi leaves : శివ పూజలో తులసి ఎందుకు నిషిద్ధమో.. తెలుసా ?
వృషభ సంక్రాంతి రోజున ఇవి చేయండి..
- ఈరోజు సూర్యుడిని పూజించడం వల్ల మీ జాతకంలో ఉన్న సూర్య దోషం తొలగిపోతుంది.
- తలస్నానం చేసిన తర్వాత పూర్వీకులకు తర్పణాలు వదలడం వల్ల వారిని ప్రసన్నం చేసుకోవచ్చు.
- పూర్వీకులకు క్రమం తప్పకుండా దానం చేయడం వల్ల మీకు పుణ్యఫలం లభిస్తుంది.
- సూర్యుడికి సంబంధించిన వస్తువులను దానం చేయడం వల్ల మీ జాతకంలో సూర్యుని స్థానం బలపడుతుంది.
- ఈరోజు స్నానం, దానం చేయడం శుభప్రదంగా భావిస్తారు.
- ఉదయం పూజ చేసేటప్పుడు నెయ్యి దీపం వెలిగించి మాత్రమే ఉపవాస వ్రతం చేయండి. ఇలా చేసే భక్తులు సుఖసంతోషాలు, శ్రేయస్సు పొందుతారు. జీవితంలో ప్రతికూల ప్రభావాల నుంచి రక్షణ పొందుతారు.
- వృషభ సంక్రాంతి రోజున శ్రీమహావిష్ణువును పూజించాలి. ఉపవాసం కూడా పాటించాలి.