Are You Getting These Type of Dreams In Your Sleep?: మీ కలలో ఇవి కనిపిస్తే దేనికి సంకేతం అంటే?

Dream Interpretation

సాధారణంగా మనం నిద్రపోయినప్పుడు ఎన్నో రకాల కలలు వస్తూ ఉంటాయి. ఈ క్రమంలోనే చాలామంది మంచి కలలు వచ్చినప్పుడు మంచి జరుగుతుందని లేదంటే చెడు కలలు వచ్చినప్పుడు ఏదో కీడు జరగబోతుందని భయపడుతూ ఉంటారు. అయితే మామూలుగా వ్యక్తులు యొక్క ఆశలు, ఆకాంక్షలు, ఆందోళనలు, అన్ని రాత్రులు కలల రూపంలో వ్యక్తీకరించబడతాయని జ్యోతిష్కులు మరియు మనస్తత్వవేత్తలు నమ్ముతూ ఉంటారు. అయితే ఒకవేళ మీ కలలో ఈ ఆరు విషయాలను కనుక చూసినట్లయితే అదృష్టం కలిసి వస్తుందని చెప్తున్నారు. లక్ష్మీ దేవి రాకకు సూచనగా ఈ కలలని భావిస్తారని చెప్పబడింది. మరి కలలో ఏ ఏ వస్తువులు కనిపిస్తే లక్ష్మీదేవి రాకకు సూచనగా ఉంటుందో ఇప్పుడు తెలుసుకుందాం..

బంగారాన్ని కలలో చూడమంటే సంపద, ఆభరణాలు వంటి విలువైన వస్తువులను కలిగి ఉండటం అని చెప్పబడింది. అయితే బంగారాన్ని కలగనడం సంపన్నంగా ఉండటాన్ని వ్యక్తీకరించవచ్చు. బంగారాన్ని ధరించినట్లు కలగంటే ఆభరణాలు, అపార సంపదలు మీ జీవితంలోకి వస్తాయని సంకేతమని నమ్మకం. మీ కలలో బంగారాని బహుమతిగా అందుకోవడం, అంటే  మీరు త్వరలోనే మీ పనిలో అత్యంత గౌరవనీయమైన స్థానాన్ని సాధిస్తారని చెప్పబడింది. అయితే కలలో దాన్యం వస్తే చాలా వరకు మనకు కలిసి వస్తుంది అని చెబుతూ ఉంటారు. ఆ ధాన్యాలు భూమి యొక్క పుష్కలమైన వరాలలో ఒకటిగా పరిగణించబడతాయి. ధాన్యాల గురించి కలలు కనడం అంటే అదృష్టం మీకు సమృద్ధిగా ఎదురుచూస్తుందని అర్థం అని జ్యోతిష్య శాస్త్రంలో పేర్కొనబడింది. అంతేకాదు మీ కలలో 8 వ సంఖ్యను చూడటం అంటే సంపద, విజయం మరియు భౌతిక లాభాలు చేకూరుతాయని అర్థం. అందుకే ఎనిమిది సంఖ్యను కలలో అదృష్ట సంఖ్యగా చెబుతూ ఉంటారు. కలలో గంభీరమైన డేగలు కనిపిస్తే ధైర్యానికి ప్రతీకగా భావిస్తారు. డేగలు కలలో కనిపిస్తే వారి సంకల్పం నెరవేరుతుందని చెబుతుంటారు.

అలాగే పక్షుల గురించి కలలు కనడం అన్నది సాఫల్యం కోసం దృఢ సంకల్పాన్ని తెలియజేస్తుంది. కలలో బాగా వండిన మాంసాన్ని తినడం గురించి వస్తే కూడా సంపద పెరుగుదలను సూచిస్తుంది. అయితే పచ్చి మాంసం తినడం ప్రతికూల ప్రభావాన్ని చూపుతుంది. డబ్బు గురించి కలలు కనడం భౌతిక ధన లాభం మరియు ఆర్థిక ఆశీర్వాదం యొక్క చిహ్నంగా పరిగణించబడుతుంది. ఎన్నో చింతలు ఉన్నప్పటికీ, విజయం మరియు ఆనందం త్వరలో రాబోతున్నాయి అన్న సంకేతాన్ని ఈ కలలు ఇస్తాయి. అలాగే వ్యవసాయ జంతువులు, పశువుల వ్యర్ధాలు, పేడ పట్టుకోవడం కలలోకి వస్తే సంపద మరియు ఆర్థిక అదృష్టానికి సంకేతం అని చెబుతూ ఉంటారు. మామూలుగా పేడపై అడుగు పెట్టడం అంటే మీరు ఊహించని అదృష్టాన్ని చేజిక్కించుకుంటున్నారని అర్థం. వ్యవసాయ జంతువుల వ్యర్థాలు మీ కుటుంబానికి శ్రేయస్సు మరియు లాభాన్ని కూడా సూచిస్తాయని జ్యోతిష్య శాస్త్ర నిపుణులు చెబుతున్నారు.