శ్రావణ మాసం 2025 (Sravanamasam ) ప్రత్యేకమైన శుభదాయకమైన సమయంగా గుర్తించబడుతోంది. సూర్యుడు, బుధుడు, శుక్రుడు తామతమ స్థితులను మార్చుకుంటూ శక్తివంతమైన యోగాలను కలిగించనున్నారు. లక్ష్మీనారాయణ యోగం, గజకేశరి యోగం వంటి అద్భుత గ్రహయోగాల ప్రభావం ఈ నెలలో స్పష్టంగా కనిపించనుంది. ముఖ్యంగా ఆగస్టు 16న సూర్యుడు సింహరాశిలోకి ప్రవేశించనుండగా, ఆగస్టు 21న శుక్రుడు కర్కాటక రాశిలోకి మారడం వల్ల పలు రాశులపై ఆశాజనక ప్రభావం చూపనుంది.
కన్య, తుల రాశుల వారు అదృష్టవంతులు!
కన్య రాశి వారికి బుధుడు, శుక్రుడు లాభస్థానంలో ఉండటం వల్ల వ్యాపారాలు, ఉద్యోగాల్లో వృద్ధి కనిపిస్తుంది. ప్రతి రోజు అభివృద్ధి బాటలో పయనిస్తారు. ఆకస్మికంగా ధనలాభం జరుగుతుంది. తుల రాశి వారికి శుక్రుడు, గురు అనుకూలంగా ఉండడం వల్ల ఆదాయం పెరగడం, ఉద్యోగావకాశాలు రావడం, పూర్వీకుల ఆస్తి లాభం వంటి శుభఫలితాలు దక్కే అవకాశాలు ఉన్నాయి. వీరు సోమవారం శివారాధన చేయడం, బిల్వపత్రాలు సమర్పించడం, పేదలకు అన్నదానం చేయడం వల్ల మరింత శుభం కలుగుతుంది.
మేష, వృషభ రాశుల వారికి శుభకాలం
మేష రాశి వారికి శుక్రుడి అనుకూలతతో కెరీర్లో పురోగతి, వివాహ యోగం, సంతానప్రాప్తి వంటి శుభ విషయాలు జరగనున్నాయి. ఎర్ర రంగు పుష్పాలతో శివుడిని పూజించటం, ఆంజనేయస్వామిని ఆరాధించటం శ్రేయస్సుగా ఉంటుంది. వృషభ రాశి వారికి శుక్రుడు, శని, గురువులు శుభస్థితిలో ఉండటం వల్ల ఆర్థిక లాభాలు, వ్యాపార వృద్ధి, కాంట్రాక్టులు వస్తాయి. శుక్రదేవుడిని ప్రసన్నం చేసుకోవాలంటే శుక్రవారం లక్ష్మీదేవిని పూజించడం, తెల్ల పూలతో శివారాధన చేయడం మంచిది.
మిథున రాశి వారికి సంపదవృద్ధి
మిథున రాశి వారికి బుధుడు, గురు బలంగా ఉండటంతో ఆర్థిక సమస్యలు తొలగిపోతాయి. సంపద పెరుగుతుంది. వృత్తి, ఉద్యోగం, వ్యాపారాల్లో విజయం సాధిస్తారు. గణపతి పూజ, శివారాధన, తులసి మొక్కకు దీపం వేయడం వంటి పరిహారాలు పుణ్యం కలిగించగలవు. పేదలకు ఆహారం, వస్త్ర దానం చేయడం ఈ మాసంలో చాలా మంచిదిగా పరిగణించబడుతుంది.
పరిహారాల పాటింపు వల్ల ఫలితాలు మెరుగవుతాయి
ఈ శ్రావణ మాసంలో ఈ ఐదు రాశుల వారు చిన్నచిన్న పరిహారాలను పాటిస్తే ఆశించిన ఫలితాలకంటే ఎక్కువ శుభ ఫలితాలను పొందవచ్చు. శివారాధన, గణపతి పూజ, తులసి పూజ వంటి సంప్రదాయ మార్గాల్లో నమ్మకంతో నడుచుకుంటే గ్రహబలంతో పాటు ఆధ్యాత్మిక శాంతి కూడా లభిస్తుంది. ఈ శ్రావణ మాసాన్ని సద్వినియోగం చేసుకుని ధన, ఆరోగ్యం, శాంతి, భద్రతలతో కూడిన జీవితం వైపు అడుగులు వేయవచ్చు.