Nikhil beats Ravi Teja: రవితేజను బీట్ చేస్తున్న యంగ్ హీరో నిఖిల్!

Cinema

టాలీవుడ్ లో సినిమాల విడుదల తేదీలు చర్చనీయాంశమవుతున్నాయి. దసరా బరిలో పెద్ద హీరోలు చిరంజీవి, నాగార్జున పోటీపడ్డ విషయం తెలిసిందే. మెగా ఫైట్ లో చిరంజీవి గాడ్ ఫాధర్ మూవీతో సక్సెస్ కొట్టి రేసులోకి వచ్చాడు. రాబోయే సంక్రాంతికి నలుగురు హీరోలు ప్రభాస్, చిరంజీవి, బాలకృష్ణ, విజయ్ తళపతి భారీ బడ్జెట్ చిత్రాలతో ఢీకొననున్నారు. కాగా క్రిస్మస్ ఫెస్టివల్ కు ఇద్దరు హీరోలు పోటీ పడేలా ఉన్నారు. రవితేజ “ధమాకా” ఇప్పటికే డిసెంబర్ 23ని విడుదల తేదీగా నిర్ణయించారు.

నిఖిల్ సిద్ధార్థ్ ఇప్పుడు రేసులోకి వచ్చాడు. నిఖిల్ సిద్ధార్థ్, అనుపమ పరమేశ్వరన్ జంటగా నటించిన “18 పేజీలు” విడుదల తేదీని ప్రకటించారు. “కార్తికేయ 2” భారీ విజయం తర్వాత నిఖిల్ సిద్ధార్థ్ బ్యాంకబుల్ స్టార్‌గా ఎదిగాడు. మరోవైపు ఈ ఏడాది రవితేజకు రెండు ఫ్లాపులు వచ్చాయి. ఫలితంగా ఆయన సినిమాలకు బజ్‌ రావడం కష్టమవుతుంది. ఈ విషయంలో రవితేజ కంటే నిఖిల్ చాలా మెరుగ్గా ఉన్నాడు. రవితేజపై ఆయనదే పైచేయి. యాక్టింగ్ లో ఒకప్పుడు రవితేజ్ ను ఇమిటేట్ చేసిన నిఖిల్… ప్రస్తుతం తనకంటూ గుర్తింపు తెచ్చుకొని టాలీవుడ్ ను తనవైపు తిప్పుకునేలా చేస్తున్నాడు.