Rashmika నేషనల్ క్రష్ రష్మిక మందన్న దూకుడు చూస్తే మిగతా హీరోయిన్స్ అందరికీ మైండ్ బ్లాక్ అవుతుంది. మొన్నటిదాకా సౌత్ సినిమాల్లోనే నటించిన అమ్మడు యానిమల్ హిట్ తో నెక్స్ట్ లెవెల్ క్రేజ్ తెచ్చుకుంది. ఆ సినిమా తర్వాత బాలీవుడ్ లో రష్మిక వరుస ఆఫర్లు అందుకుంటుంది. ఐతే అందరికీ హీరోయిన్ గా రష్మిక కావాలంటే సాధ్యం కాదు. ఈ క్రమంలో కొన్ని సినిమాలకు అమ్మడు డేట్స్ అడ్జెస్ట్ కాక నో చెప్పేస్తుంది. అలా అమ్మడు కాదని చెప్పిన సినిమాల్లో ఒక 100 కోట్లు కలెక్ట్ చేసిన సినిమా కూడా ఉందని తెలుస్తుంది. అదే సినిమా ఆ విశేషాల్లోకి వెళ్తే.
మాస్ మహరాజ్ రవితేజ హీరోగా నక్కిన త్రినాథ రావు డైరెక్షన్ లో వచ్చిన సినిమా ధమాకా. ఈ సినిమాలో శ్రీలీల (Srileela) హీరోయిన్ గా నటించింది. కానీ సినిమాకు ముందు అనుకున్న హీరోయిన్ రష్మికనే. ఆమె కూడా మొదట్లో దాదాపు ఓకే అన్నట్టు అనుకుని తర్వాత డేట్స్ అడ్జెస్ట్ అవ్వక అమ్మడు ఆ ఛాన్స్ మిస్ చేసుకుంది.
Also Read : Bangladesh Protests: భారత్‌లోకి చొరబడేందుకు బంగ్లాదేశీయులు ప్రయత్నం
రష్మిక మిస్ చేసుకున్న ఈ అవకాశాన్ని పెళ్లిసందడితో తెలుగులో ఎంట్రీ ఇచ్చిన శ్రీలీల పట్టేసుకుంది. ధమాకా తర్వాత శ్రీలీలకు దాదాపు ఏడెమిది సినిమాలు వచ్చాయంటే ఆ సినిమా ఇంపాక్ట్ ఏ రేంజ్ లో ఉందో అర్ధం చేసుకోవచ్చు. రవితేజ (Raviteja)లక్కీ సెంటిమెంట్ శ్రీలీలకు కలిసి వచ్చింది. అయితే ఆ సినిమాలో రష్మిక చేసి ఉంటే ఫలితం ఎలా ఉండేదో మరి. ఐతే అప్పుడు కుదరని ఈ కాంబో మళ్లీ సెట్ చేయాలని చూస్తున్నట్టు తెలుస్తుంది.
ప్రస్తుతం రష్మిక కుబేర, పుష్ప 2, ది గర్ల్ ఫ్రెండ్ సినిమాలు చేస్తుంది. ఇదే కాకుండా మరో రెండు బాలీవుడ్ సినిమాలు లైన్ లో ఉన్నాయి. సో ఆమె అనుకున్నా కూడా ఇప్పుడు కాంబినేషన్స్ సెట్ చేయలేనంత బిజీగా మారింది అమ్మడు.