Liger: ‘లైగర్’ మూవీ రిలీజ్ డేట్ ఫిక్స్!
కేవలం ఒకే ఒక్క మూవీ(అర్జున్ రెడ్డి) తో స్టార్ గా పేరు తెచ్చుకున్నాడు విజయ్ దేవరకొండ. పెళ్లిచూపులు, గీతగోవిందం లాంటి యూత్ ఫుల్ సినిమాలతో మంచి క్రేజ్ ను సొంతం చేసుకున్నాడు.
- Written By: Balu J
- Updated On - December 16, 2021 / 04:54 PM IST
కేవలం ఒకే ఒక్క మూవీ(అర్జున్ రెడ్డి) తో స్టార్ గా పేరు తెచ్చుకున్నాడు విజయ్ దేవరకొండ. పెళ్లిచూపులు, గీతగోవిందం లాంటి యూత్ ఫుల్ సినిమాలతో మంచి క్రేజ్ ను సొంతం చేసుకున్నాడు. మరి రౌడీ బాయ్ క్రేజీ డైరెక్టర్ పూరితో సినిమా చేస్తే ‘కాంబినేషన్ అదుర్స్’ అనాల్సిందే. పూరి జగన్నాథ్ డైరెక్షన్ లో విజయ్ దేవరకొండ లైగర్ పాన్ ఇండియా మూవీ చేస్తున్న విషయం తెలిసిందే. సినిమాపై అంచనాలు పెంచేస్తూ బాక్సింగ్ కింగ్ టైసన్ సైతం ఈ మూవీలో నటిస్తున్నారు. అయితే దాదాపుగా లాస్ట్ షెడ్యూల్ కంప్లీట్ చేసుకున్న లైగర్ సినిమా ఎప్పుడెప్పుడు రిలీజ్ అవుతుందా? అని ఫ్యాన్స్ ఎదురుచూస్తున్నారు.
పెద్ద సినిమాలన్నీ సెట్స్ లోనే ఉండగానే రిలీజ్ డేట్ ప్రకటించాయి. కానీ లైగర్ సినిమాకు సంబంధించిన ఏ డేట్ కూడా బయటకు రాలేదు. తాజాగా ఈ సినిమా రిలీజ్ డేట్ అనౌన్స్ చేశారు. ఆగస్టు 25, 2022న సినిమాను విడుదల చేయనున్నట్టు ప్రకటించారు. సరిగ్గా ఈ సినిమాకు రెండు వారాల ముందు ‘ఆదిపురుష్’ ప్రేక్షకుల ముందుకు వస్తోంది. అయితే కొద్దిరోజుల వ్యవధిలోనే రెండు పాన్ ఇండియా సినిమాలు ప్రేక్షకులను ఎంటర్ టైన్ చేయనుంది. విజయ్ దేవరకొండ ప్రభాస్ స్టామినా ముందు నిలబడగలడా అని? అభిమానులు చర్చించుకుంటున్నారు.