Vijay Deverakonda : మరోసారి పొలిటికల్ డ్రామాతో విజయ్ దేవరకొండ.. ఈసారైనా హిట్ కొట్టేనా..?

Vijay Deverakonda Ravi Kiran Kola Movie Is Periodic Political Drama Movie

Vijay Deverakonda : టాలీవుడ్ రౌడీ బాయ్ విజయ్ దేవరకొండ ప్రస్తుతం గౌతమ్ తిన్ననూరి దర్శకత్వంలో స్పై యాక్షన్ థ్రిల్లర్ ని చేస్తున్నారు. ఈ సినిమా తరువాత దిల్ రాజు నిర్మాణంలో ఓ చిత్రం చేయబోతున్నారు. యంగ్ డైరెక్టర్ రవి కిరణ్ కోలా ఈ సినిమాని తెరకెక్కించబోతున్నారు. ‘రాజా వారు రాణి గారు’ వంటి లవ్ స్టోరీతో ఇండస్ట్రీకి పరిచయమైన ఈ దర్శకుడు.. రెండో సినిమాకి విజయ్ ని డైరెక్ట్ చేసే అవకాశం అందుకున్నారు.

ఇక ఈ చిత్రాన్ని పీరియాడిక్ యాక్షన్ డ్రామాగా తెరకెక్కించబోతున్నారని మొన్నటివరకు టాక్ వినిపించింది. ఇప్పుడు ఈ పీరియాడిక్ డ్రామాలోనే పొలిటికల్ టచ్ కూడా ఉండబోతుందట. సింపుల్ గా చెప్పాలంటే.. రామ్ చరణ్ రంగస్థలం తరహాలో ఉండబోతుందని తెలుస్తుంది. కాగా పొలిటికల్ నేపథ్యంతో విజయ్ దేవరకొండ గతంలో ‘నోటా’ అనే సినిమాని చేశారు. అయితే ఆ సినిమా బాక్స్ ఆఫీస్ వద్ద ప్లాప్ గా నిలిచింది.మళ్ళీ ఇప్పుడు ఈ సినిమాతో మరోసారి పొలిటికల్ డ్రామాని టచ్ చేస్తున్నారు.

అలాగే నిర్మాత దిల్ రాజుతో విజయ్ రీసెంట్ గా ‘ఫ్యామిలీ స్టార్’ సినిమా చేశారు. ఈ సినిమా కూడా బాక్స్ ఆఫీస్ వద్ద పెద్దగా సత్తా చాటలేకపోయింది. మరి ఈ రెండు రిజల్ట్స్ కి విజయ్ ఈ సినిమాతో హిట్ అందుకొని గట్టి సమాధానం చెబుతారా లేదా చూడాలి. కాగా ఈ చిత్రాన్ని మే 9న విజయ్ పుట్టినరోజు సందర్భంగా అనౌన్స్ చేయనున్నారని సమాచారం. పూజా కార్యక్రమాలతో ఈ మూవీని అఫీషియల్ గా అనౌన్స్ చేయబోతున్నారట.

ఇక గౌతమ్ తిన్ననూరితో చేస్తున్న సినిమా విషయానికి వస్తే.. విజయ్ కెరీర్ లోనే హైయెస్ట్ బడ్జెట్ తో రూపొందుతుంది. ఒక సరికొత్త కథతో విజయ్ ని ఇప్పటివరకు చూపించిన పాత్రతో ఈ సినిమాని తెరకెక్కిస్తున్నారు. ఈ సినిమాతో విజయ్ భారీ కమ్‌బ్యాక్ ఇస్తాడని ఫ్యాన్స్ ఆశిస్తున్నారు.

Also read : Naga Chaitanya : సాయి దుర్గ తేజ్, నాగచైతన్యతో కొత్త సినిమాటిక్ యూనివర్స్‌ని క్రియేట్ చేస్తున్నారా..?