యంగ్ అండ్ డైనమిక్ హీరో విజయ్ దేవరకొండ (Vijay Devarakonda) మరోసారి మాస్ అటిట్యూడ్తో అభిమానుల్ని ఊర్రూతలూగిస్తున్నారు. గౌతమ్ తిన్ననూరి దర్శకత్వంలో తెరకెక్కుతున్న మాస్ యాక్షన్ థ్రిల్లర్ ‘కింగ్డమ్’ (Kingdom) ఈ నెల 31న ప్రేక్షకుల ముందుకు రాబోతుంది. ఇప్పటికే విడుదలైన గ్లింప్స్, పోస్టర్స్ సినిమాపై భారీ అంచనాలు నెలకొల్పాయి. తాజాగా విజయ్ షేర్ చేసిన ఫోటోలు సోషల్ మీడియాలో వైరల్ అవుతున్నాయి. ఓ ఊర మాస్ లుక్లో గన్ పట్టుకుని, మీసకట్టు, కొత్త హెయిర్ స్టైల్తో విజయ్ ఆకట్టుకుంటున్నారు.
విజయ్ దేవరకొండ ‘కింగ్డమ్’ మూవీలో ఒక స్పై పాత్రలో కనిపించనున్నారని సమాచారం. ఈ రోల్ కోసం ఆయన స్పెషల్ ట్రైనింగ్ తీసుకున్నట్లు తెలుస్తోంది. యాక్షన్ సీక్వెన్స్లు, ఫిజికల్ లుక్ కోసం ప్రత్యేక శ్రద్ధ తీసుకున్న విజయ్ తన గత చిత్రాల్లో కనిపించని కొత్త అవతారాన్ని చూపించబోతున్నారు. ఈ మూవీ ద్వారా ఆయనకు సరైన కమ్బ్యాక్ అవుతుందన్న నమ్మకంతో అభిమానులు ఎదురుచూస్తున్నారు. “మేము యాక్షన్ డ్రామాను ఇలా ప్రమోట్ చేస్తాం” అంటూ విజయ్ షేర్ చేసిన కామెంట్కు మంచి స్పందన వచ్చింది.
Rajya Sabha: జాతీయ సైబర్ భద్రత బలోపేతంపై రాజ్యసభలో ప్రత్యేక ప్రస్తావన!
ఈ సినిమా ప్రాజెక్ట్ను గౌతమ్ తిన్ననూరి తెరకెక్కిస్తుండటం కూడా ప్రత్యేక ఆకర్షణ. ‘మళ్లీ రావా’, ‘జెర్సీ’ వంటి హిట్ సినిమాలతో ఆయన తనదైన ముద్ర వేసుకున్నారు. విజయ్ సరసన భాగ్యశ్రీ బోర్సే హీరోయిన్గా నటిస్తుండగా, నటుడు సత్యదేవ్ విజయ్ అన్న పాత్రలో కనిపించనున్నాడు. ఈ ముగ్గురి కాంబినేషన్తో సినిమా మీద అంచనాలు మరింత పెరిగాయి. ఇప్పటికే షూటింగ్ పూర్తయి, పోస్ట్ ప్రొడక్షన్ పనులు పూర్తి కావడంతో మూవీ టీమ్ ప్రమోషన్స్కు రెడీ అయింది.
సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. పాన్ ఇండియా లెవెల్లో జూలై 31న ఈ చిత్రం విడుదల కానుండటంతో అన్ని భాషల్లోనూ విజయ్ అభిమానులు భారీగా ఎదురుచూస్తున్నారు. గత సినిమాల నుంచి వచ్చిన మిశ్రమ ఫలితాల తరువాత విజయ్ కోసం ఇదొక కీలక టర్నింగ్ పాయింట్ కానుంది. మాస్ యాక్షన్ లుక్, ఇంటెన్స్ పాత్రతో ఈసారి విజయ్ భారీ విజయం అందుకుంటాడా? అన్నది చూడాలి.