Ustaad Bhagat Singh : పవన్ ఫ్యాన్స్ పూనకాలుకు సిద్ధం కండి

పవర్ స్టార్ (Pawan kalyan) అభిమానులు రెడీ పైగా ఉండండి..గత కొద్దీ రోజులుగా పవన్ సినిమాల నుండి ఎలాంటి అప్డేట్ లేకపోయేసరికి చాల నిరాశలో ఉన్నారు..ఇక ఆ నిరాశ లోనుండి బయటపడేయబోతున్నారు హరీష్ శంకర్. మరికాసేపట్లో ‘ఉస్తాద్ భగత్ సింగ్ (Ustaad Bhagat Singh )’నుండి ఓ పవర్ ఫుల్ టీజర్ లేదా గ్లింప్స్ రాబోతుంది.

పవన్ కళ్యాణ్ – హరీష్ శంకర్ (Pawan-Harish Shankar) కలయిక లో గతంలో గబ్బర్ సింగ్ మూవీ వచ్చి బ్లాక్ బస్టర్ విజయాన్ని సాధించిన సంగతి తెలిసిందే. అప్పటివరకు వరుస ప్లాప్స్ తో ఇబ్బంది పడుతున్న పవన్ కు హరీష్ బూస్ట్ ఇచ్చాడు. ఈ మూవీ తర్వాత వీరిద్దరి కాంబో లో మరో మూవీ వెంటనే పడుతుందని భావించారు కానీ కుదరలేదు. ఇక చాల గ్యాప్ తర్వాత ఉస్తాద్ భగత్ సింగ్ ప్రకటన వచ్చేసరికి ఫ్యాన్స్ ఫుల్ హ్యాపీ అయ్యారు. కొద్దీ రోజులపాటు సినిమా షూటింగ్ సజావుగా సాగింది. కానీ మళ్లీ రాజకీయాల్లో బిజీ కావడం తో సినిమా షూటింగ్ కు బ్రేక్ ఇచ్చారు. సరిగ్గా ఇలాంటి వేళ ఉస్తాద్ భగత్ సింగ్ మూవీ టీమ్ ఫ్యాన్స్‌కి ఓ సర్‌ప్రైజ్ ఇచ్చింది.

We’re now on WhatsApp. Click to Join.

“ఎక్స్‌పెక్ట్ ది అన్‌‍ ఎక్స్‌పెక్టెడ్” అంటూ నిర్మాణ సంస్థ మైత్రి మూవీ మేకర్స్ ఓ పోస్ట్ పెట్టింది. ఈ పోస్టులో పవన్ కళ్యాణ్ డబ్బింగ్ సెషన్‌లో పాల్గొన్న ఫొటోలు కనిపించాయి. అంటే ఈరోజు సాయంత్రం ఈ సినిమా నుండి టీజర్‌ను రిలీజ్ చేస్తున్నారని తెలుస్తుంది. అందుకే పవన్ డబ్బింగ్ చెబుతున్న ఫొటోలను పోస్ట్ చేశారంటూ కామెంట్లు పెడుతున్నారు. ఇక ఈ ట్వీట్‌ను “లెట్స్ డూ ఇట్ ఎగైన్” అంటూ డైరెక్టర్ హరీష్ శంకర్ రీట్వీట్ చేశారు. మరి ఆ అప్డేట్ అభిమానులకు ఎంత పవర్ ఇస్తుందో చూడాలి.

Read Also : WhatsApp QR Code : వాట్సాప్‌ ఛాట్ లిస్ట్‌లోనే QR కోడ్​!