F3: ఆ మూడు పాత్రలు.. ట్విస్టులే ట్విస్టులు!

F3

సక్సెస్ ఫుల్ డైరెక్టర్ అనిల్ రావిపూడి వెంకటేష్, వరుణ్ తేజ్ నటించిన F3 తో టాలీవుడ్‌కి ఫుల్ ఫన్ ను ఇంట్రడ్యూస్ చేయబోతున్నారు. అనిల్ రావిపూడి సాధారణంగా తన చిత్రాలలో తనదైన హాస్యంతో ప్రేక్షకులను అలరించడంతో పాటు లోతైన భావోద్వేగం లేదా సందేశాన్ని పొందుపరుస్తాడు. F3 సినిమాలో డబ్బు గురించి మంచి సందేశం ఉంది. అది కొన్ని ఊహించని మలుపులు తిరిగేలా చేస్తుంది. నిజానికి, సెకండాఫ్‌లో ఊహించని ట్విస్ట్ లు ఉంటాయట. ఓ మూడు పాత్రలు కీలకంకానున్నాయి. వాళ్లే తమన్నా భాటియా, సోనాల్ చౌహాన్, మురళీ శర్మ.

తమన్నా F2లో భాగంగా ఉండగా, సోనాల్, మురళీ శర్మ F3లో ఉన్నారు. ఈ మూవీ స్టోరీ మురళీ శర్మ పాత్ర పరిచయంతో ప్రారంభమవుతుంది. ఇందులో సోనాల్ చౌహాన్, తమన్నా పాత్రల మధ్య సంబంధం ఉంది. నిజానికి, ‘డబ్బు’ అనే థీమ్ అందరికీ కనెక్ట్ అవుతుంది. అనిల్ రావిపూడి గతంలో వెల్లడించినట్లుగా సినిమాలోని ప్రతి పాత్రకు స్కోర్ చేయడానికి స్కోప్ ఉంది. ఇందులో వెంకీ, వరుణ్ వ్యవహారశైలి, నవ్వించే విధానం ప్రేక్షకులను విస్మయపరుస్తాయి. మరో నాలుగు రోజుల్లో సినిమా విడుదల కానుంది.