- భారీ అంచనాల నడుమ రిలీజ్ అయినా రాజాసాబ్
- మారుతీ స్క్రీన్ ప్లే
- ప్రభాస్ యాక్టింగ్
రెబల్ స్టార్ ప్రభాస్ నటించిన తాజా చిత్రం ‘రాజాసాబ్’ బాక్సాఫీస్ వద్ద మిశ్రమ స్పందనను సొంతం చేసుకుంటోంది. మారుతీ డైరెక్షన్లో భారీ అంచనాల నడుమ ఈ మూవీ ఈరోజు ప్రేక్షకుల ముందుకు వచ్చింది. అయితే నిన్న సాయంత్రం నుండే ఏపీ తో పాటు ఓవర్సీస్ లో ప్రీమియర్స్ పడడంతో సినిమా ఫైనల్ టాక్ ఏంటి అనేది వైరల్ గా మారింది.
ఈ సినిమా ప్రధాన కథాంశం ఒక భావోద్వేగమైన మలుపుతో సాగుతుంది. తన నానమ్మ చివరి కోరికను తీర్చడం కోసం హీరో ఒక భయంకరమైన దుష్ట శక్తితో తలపడాల్సి వస్తుంది. ఈ క్రమంలో సాగే హారర్-కామెడీ ప్రయాణమే ఈ చిత్రం. ప్రభాస్ తనదైన శైలిలో అద్భుతమైన యాక్టింగ్ మరియు టైమింగ్తో అలరించారు. ముఖ్యంగా సినిమాలోని ప్రీ-ఇంటర్వెల్ మరియు క్లైమాక్స్ సన్నివేశాలు ప్రేక్షకులను థ్రిల్కు గురిచేస్తూ, సినిమా స్థాయిని పెంచడంలో తోడ్పడ్డాయి.
Raajasaabh
అయితే, ఇంతటి క్రేజ్ ఉన్న ప్రాజెక్టును హ్యాండిల్ చేయడంలో దర్శకుడు మారుతి తడబడ్డారనే విమర్శలు వినిపిస్తున్నాయి. సినిమా ప్రారంభం నుంచి కథనం (స్క్రీన్ ప్లే) చాలా నెమ్మదిగా సాగడం ప్రేక్షకులకు అసహనం కలిగిస్తుంది. ముఖ్యంగా ఫస్ట్ హాఫ్ స్లోగా ఉండటం, కథకు అడ్డంకిగా మారే అనవసరమైన పాటలు మరియు కొన్ని ల్యాగ్ సీన్లు సినిమా గ్రాఫ్ ని తగ్గించాయి. ఒక భారీ బడ్జెట్ సినిమాకు ఉండాల్సిన పట్టు, మారుతి స్క్రిప్ట్ డిజైనింగ్లో లోపించిందని చెప్పవచ్చు. బలమైన ఎమోషన్ పండించాల్సిన చోట కూడా కామెడీ అతిగా అనిపించడం మైనస్ పాయింట్గా మారింది.
మొత్తంగా చూస్తే, ‘రాజాసాబ్’ చిత్రం ప్రభాస్ ఫ్యాన్స్కు ఆయన లుక్స్ మరియు యాక్షన్ పరంగా కంటికి విందుగా అనిపించినప్పటికీ, సామాన్య ప్రేక్షకుడిని మెప్పించడంలో విఫలమైంది. స్టోరీ టెల్లింగ్ (కథా విశ్లేషణ) చాలా బలహీనంగా ఉండటంతో, ప్రేక్షకులు సినిమాలోని పాత్రలతో లేదా భావోద్వేగాలతో కనెక్ట్ కాలేకపోతున్నారు. అక్కడక్కడా వచ్చే కామెడీ బాగున్నా, కథనం గాడి తప్పడం వల్ల చాలా చోట్ల సినిమా బోర్ కొట్టిస్తుంది. భారీ అంచనాల మధ్య వచ్చిన ఈ చిత్రం, ఒక పరిపూర్ణమైన సినిమా అనుభూతిని అందించడంలో సగం దూరమే ప్రయాణించిందని చెప్పవచ్చు.