Akhanda 2 Roars : బాలయ్య–బోయపాటి కాంబినేషన్ మళ్లీ థియేటర్లలో మాస్ సంచలనాన్ని రేపుతోంది. వాయిదాల అనంతరం విడుదలైన ‘అఖండ 2’ తొలి షో నుంచే పవర్ఫుల్ టాక్తో దూసుకుపోతోంది. శివతాండవం స్టైల్ యాక్షన్, బోయపాటి మార్క్ ఎలివేషన్స్ అభిమానులను ఉర్రూతలూగిస్తున్నాయి. ప్రీమియర్స్తోనే హౌస్ఫుల్ బోర్డులు కనిపించడంతో ఫస్ట్ డే వరల్డ్వైడ్ గ్రాస్ రూ.70–80 కోట్ల మధ్య ఉండొచ్చని ట్రేడ్ అంచనా. వాయిదా వల్ల హైప్ మరింత పెరగడంతో అడ్వాన్స్ బుకింగ్స్ కూడా రికార్డు స్థాయిలో జరిగాయి. బాలయ్య ద్విపాత్రాభినయం, థమన్ సంగీతం, బోయపాటి నారేషన్తో సినిమా బాక్సాఫీస్పై తాండవం చేయనున్నట్లు కనిపిస్తోంది.
బాలయ్య – బోయపాటి కాంబినేషన్ Balakrishna Boyapati మళ్లీ థియేటర్లలో మాస్ తుఫాను రేపుతోంది. వారం రోజుల వాయిదా అనంతరం వచ్చిన ‘ అఖండ 2 ’ గురువారం రాత్రి 9 గంటల ప్రీమియర్తో స్టార్ట్ అయి ప్రేక్షకుల్లో మళ్లీ శివతాండవాన్ని గుర్తు చేసేలా హై వోల్టేజ్ యాక్షన్ హంగామాను క్రియేట్ చేసింది. విడుదలైన వెంటనే థియేటర్స్ వద్ద భారీ రష్, ఫస్ట్ షో నుంచే పాజిటివ్ టాక్, మాస్ ప్రేక్షకులు పండగ మూడ్లోకి వెళ్లిపోవడం వంటి సీన్స్తో అఖండ ఆగమనం అద్భుతంగా జరిగింది. లాజిక్స్ అన్నీ పక్కనపెట్టి బోయపాటి తన స్టైల్లో మాస్ ఎమోషన్, పవర్ పంచ్ యాక్షన్, శివతాండవం ఎలిమెంట్స్ను బలంగా నింపడంతో బాలయ్య అభిమానులు థియేటర్లలోనే పండుగ చేసుకుంటున్నారు.
‘అఖండ 2’కి పాజిటివ్ టాక్ వచ్చిన నేపథ్యంలో ఫస్ట్ డే కలెక్షన్స్పై ట్రేడ్ సర్కిల్స్లో భారీ అంచనాలు వ్యక్తం చేస్తున్నాయి. ప్రీమియర్స్ రాత్రే హౌస్ఫుల్ షోస్తో మొదలై, ఉదయం షోస్ నుండి అడ్వాన్స్ బుకింగ్స్ ఫుల్గా కనిపించడం, వరల్డ్వైడ్ రిలీజ్ స్కేలు అన్నీ చూసుకుంటే ‘అఖండ 2’ మొదటి రోజు ₹70 కోట్ల నుండి ₹80 కోట్ల వరకూ గ్రాస్ వసూలు చేసే అవకాశం బలంగా కనిపిస్తోంది. బాలయ్య కెరీర్లో ఇంత భారీ ఓపెనింగ్ ఇప్పటివరకు లేకపోవడం గమనార్హం. బోయపాటి–బాలయ్య కాంబినేషన్కు ఉన్న నమ్మకం, జనాల్లో ఉన్న అభిమానం, బ్లాక్బస్టర్ మాస్ టాక్ అన్నీ కలిపి ఫస్ట్ డే కలెక్షన్లని అసాధారణంగా పెంచేలా కనిపిస్తున్నాయి.
ఇంకా ఆసక్తికర విషయం ఏంటంటే సినిమా వాయిదా పడటం కూడా ఈసారి పాజిటివ్గా పనిచేసింది. డిసెంబర్ 5న రిలీజ్ జరగకపోవడంతో నిరాశ చెందిన ప్రేక్షకులు మళ్లీ అప్డేట్స్ వచ్చిన తరువాత భారీగా అడ్వాన్స్ బుకింగ్స్ చేసేశారు. అందుకే ప్రీమియర్ రాత్రే అనేక ప్రాంతాల్లో హౌస్ఫుల్ బోర్డులు కనిపించాయి. వాయిదా వల్ల హైప్ రెట్టింపై, ‘అఖండ 2’ రాబోతుందనే సమాచారం వచ్చాక బుకింగ్ సైట్స్ ఒక్కసారిగా హీటెక్కాయి. ట్రేడ్ విశ్లేషకుల మాటల్లో చెప్పాలంటే నైజాంలో మాత్రమే కాదు, సీడెడ్, కర్నాటక, ఓవర్సీస్ వంటి ప్రాంతాల్లో కూడా సినిమా రికార్డు స్థాయిలో ఓపెనింగ్ వసూళ్లు నమోదు చేసే అవకాశం కనిపిస్తోంది. బాలయ్య యాక్షన్కు ఈ ప్రాంతాల్లో ఉన్న మాస్ కనెక్ట్, బోయపాటి స్టైల్ డైలాగ్స్, ఎమోషన్ సినిమా లాంగ్ రన్కి కూడా ఉపయోగపడతాయని అంచనా.
బాలయ్య – బోయపాటి కలిసి చేసిన సినిమాలు అంటేనే ప్రేక్షకుల్లో ఒక ప్రత్యేక మాస్ ఎనర్జీ ఉంటుంది. ‘సింహా’, ‘లెజెండ్’, ‘అఖండ’ ఇప్పటివరకు వచ్చిన ప్రతి చిత్రం బాక్సాఫీస్ వద్ద పెద్ద హిట్స్గానే నిలిచాయి. ఈ జోడీ నాలుగోసారి చేసిన ‘అఖండ 2’ కూడా అదే జోష్ని కొనసాగిస్తూ స్టాండర్డ్ని మరింత పెంచింది. ఈసారి బాలకృష్ణ ద్విపాత్రాభినయంలో కనిపించనుండటం, సనాతన ధర్మ నేపథ్యంలో కథ నడవడం విపరీతమైన బజ్ క్రియేట్ చేశాయి. ఇటీవల విడుదలైన టీజర్లో భారీ యాక్షన్, పవర్ఫుల్ డైలాగ్లు, శివతాండవం విజువల్స్ ప్రేక్షకుల్లో విపరీతమైన ఉత్సాహాన్ని రేపాయి. తమన్ అందించిన బ్యాక్గ్రౌండ్ స్కోర్ ఈసారి కూడా థియేటర్లలో మాస్ వైబ్స్ను రెట్టింపు చేస్తోంది.