Taapsee: నన్ను నేను గిల్లి మరీ చెక్ చేసుకుంటున్నా.. షారుఖ్ తో “డంకీ”పై తాప్సీ

Taapsee

షారుఖ్ ఖాన్ సినిమాలో హీరోయిన్ అవకాశం అంటే ఆషామాషీ కాదు. ఈ గోల్డెన్ ఛాన్స్ ను హీరోయిన్ తాప్సీ దక్కించుకున్నారు. రాజ్‌కుమార్ హిరాణి ద‌ర్శ‌క‌త్వంలో వస్తున్న షారుఖ్ మూవీ ‘డంకీ’ లో ఆమె తళుక్కుమనబోతున్నారు.
“ఇప్పటికీ నాకు ఆ ఛాన్స్ వచ్చందంటే నమ్మలేక పోతున్న. ఇది కలా ? నిజమా? అని గిల్లి మరీ చెక్ చేసుకుంటున్నాను” అని తాప్సి కామెంట్ చేశారు. ఆమె ఇంకా ఏమన్నారంటే.. షారుఖ్ స‌ర‌స‌న న‌టించాల‌ని త‌పించని న‌టులుండ‌రు. అలాంటి అరుదైన అవ‌కాశం నాకు ద‌క్కింది. దీనికోసం నేను ఎవ‌రిని అడుగ‌లేదు. ద‌ర్శ‌కుడు రాజ్‌కుమార్ హిరాని నా గ‌త చిత్రాల‌లో న‌ట‌ను చూసి ఈ చిత్రంలో హీరోయిన్‌గా ఎంపిక చేశాడ‌ని తెలిపింది. ఇప్ప‌టికే నేను ఈ ప్రాజెక్ట్‌లో భాగ‌మైన‌ట్లు న‌మ్మ‌లేక‌పోతున్నా. ఇది క‌లా? నిజ‌మా? అనిపించిందంటూ తాప్సీ చెప్పుకొచ్చింది.

పట్టిందల్లా బంగారం..

ఇటీవ‌లే తెలుగులో తాప్సీ న‌టించిన ‘మిష‌న్ ఇంపాజిబుల్’ ఘన విజ‌యం సాధించింది. ప్రస్తుతం ఈమె చేతిలో అర‌డ‌జ‌ను పైగా సినిమాలున్నాయి.వైవిధ్య భ‌రిత క‌థ‌ల‌ను ఎంచుకుంటూ విభిన్న పాత్ర‌ల‌లో న‌టిస్తూ సినీరంగంలో త‌నకంటూ ప్ర‌త్యేక గుర్తింపు తెచ్చుకున్న న‌టి ‘తాప్సీ’. ‘ఝుమ్మంది నాదం’ చిత్రంతో సినీరంగంలోకి ఎంట్రి ఇచ్చిన తాప్సీ మొద‌టి సినిమాతోనే మంచి విజ‌యాన్ని ఖాతాలో వేసుకుంది. ఈ చిత్రం విజ‌యంతో ఈమెకు భారీగా అవ‌కాశాలు వ‌చ్చాయి. కానీ అవి చాలా వ‌ర‌కు సెకండ్ హీరోయిన్‌గా న‌టించే పాత్ర‌లే. ఆ త‌రువాత ఈమెకు టాలీవుడ్‌లో క్ర‌మంగా అవ‌కాశాలు త‌గ్గుతూ వ‌చ్చాయి. దాంతో ఈమె బాలీవుడ్‌కు షిఫ్ట్ అయింది. ఇక బాలీవుడ్‌లో ఈమె ప‌ట్టింద‌ల్లా బంగార‌మే అయింది.