మాజీ మిస్ యూనివర్స్, బాలీవుడ్ నటి సుస్మితా సేన్ వ్యాపారవేత్త లలిత్ మోదీ తో డేటింగ్లో ఉన్నట్లు వార్తలు రావడంతో అభిమానులు ఆశ్చర్యపోయారు. తన ‘బెటర్ హాఫ్’ సుస్మితా సేన్తో ఉన్న ఫొటోలను లలిత్ షేర్ చేశారు. “ఇప్పుడే గ్లోబల్ టూర్ లో భాగంగా లండన్ తర్వాత #మాల్దీవ్స్ లో ఉన్నాను. నా భాగస్వామి @sushmitasen47 గురించి ప్రత్యేకంగా చెప్పనక్కర్లేదు. కొత్త జీవితం ప్రారంభిస్తున్నాం. ప్రేమలో ఉన్నాం. ఇంకా పెళ్లి కాదు. కానీ భగవంతుని దయ వల్ల జరుగుతుంది. మేం కలిసి ఉన్నామని ఇప్పుడే ప్రకటిస్తున్నా’’ అంటూ క్యాప్షన్ ఇచ్చాడు. మరో ట్వీట్లో కేవలం డేటింగ్ చేస్తున్నారని, ఇంకా పెళ్లి చేసుకోలేదని వ్యాపార దిగ్గజం స్పష్టం చేశాడు.
ఒక ఫోటోలో ఆమె భారీ వజ్రాల ఉంగరం అందరి దృష్టిని ఆకర్షించింది. ఈ జంట ఇప్పటివరకు నిశ్చితార్థం గురించి ఏమీ చెప్పనప్పటికీ, సుస్మిత కేవలం ఫ్లాన్ చేస్తున్న ఉంగరం ఆమెకు లలిత్ బహుమతిగా ఇచ్చారా అని అభిమానులు ఆశ్చర్యపోతున్నారు. సుస్మితా సేన్ ఇంతకుముందు మోడల్ రోహ్మాన్ షాల్తో డేటింగ్ చేస్తోంది. ఆమెకు 2018లో ఇన్స్టాగ్రామ్ ద్వారా పరిచయ మయ్యాడు. అయితే వారు గత సంవత్సరం విడిపోయారు. అయితే సుస్మిత ఇద్దరు పిల్లలను దత్తత తీసుకొని పెంచుకుంటున్న విషయం అందరికీ తెలిసిందే.
Just for clarity. Not married – just dating each other. That too it will happen one day. 🙏🏾🙏🏾🙏🏾🙏🏾 pic.twitter.com/Rx6ze6lrhE
— Lalit Kumar Modi (@LalitKModi) July 14, 2022