Sudheer Babu : కొడుకు దరువు వేస్తుంటే.. పాట పాడి అదరగొట్టిన సుధీర్ బాబు..

Sudheer Babu : టాలెంటెడ్ హీరో సుధీర్ బాబు ‘హరోంహర’ అనే సినిమాతో ఆడియన్స్ ముందుకు వచ్చేందుకు సిద్ధమవుతున్నారు. రూరల్ గ్యాంగ్ స్టార్ స్టోరీ నేపథ్యంతో 1980’s బ్యాక్‌డ్రాప్‌ లో తెరకెక్కుతున్న ఈ చిత్రం ప్రస్తుతం పోస్ట్ ప్రొడక్షన్ వర్క్స్ జరుపుకుంటుంది. ఈ నెలాఖరులో రిలీజ్ అయ్యేందుకు సిద్దమవుతున్న ఈ చిత్రం.. ప్రమోషన్ వర్క్స్ ని మూవీ టీం కూడా స్టార్ట్ చేసింది. ఈక్రమంలోనే టీజర్, సాంగ్స్ ని రిలీజ్ చేసుకుంటూ వస్తున్నారు.

ఇప్పటికే ఈ మూవీ నుంచి టీజర్, టైటిల్ సాంగ్, ‘కనులెందుకో’ అనే మెలోడీ సాంగ్ ఆడియన్స్ ముందుకు వచ్చాయి. తాజాగా ‘మురుగుడి మాయ’ అనే మాస్ సాంగ్ ని రిలీజ్ చేసారు. ఇక ఈ సాంగ్ ని ప్రమోట్ చేసేందుకు సుధీర్ బాబు.. తన కొడుకులతో కలిసి ఓ వీడియో చేసి నెట్టింట షేర్ చేసారు. ఆ వీడియోలో సుధీర్ మురుగుడి మాయ పాటని పాడుతూ కనిపిస్తుంటే.. చిన్న కొడుకు దర్శన్ తండ్రి స్వరానికి దరువు వేస్తూ కనిపిస్తున్నారు.

ఇక ఈ మొత్తాన్ని పెద్ద కొడుకు చరిత్ మానస్ వీడియో రికార్డు చేసాడు. ఈ వీడియోని సుధీర్ బాబు నెట్టింట షేర్ చేయగా.. ప్రస్తుతం వైరల్ గా మారింది. మరి కొడుకులతో కలిసి సుధీర్ బాబు పాడిన ఆ పాటని, అలాగే సినిమాలోని ఒరిజినల్ సాంగ్ ని కూడా వినేయండి.

జ్ఞానసాగర్ ద్వారకా డైరెక్ట్ చేస్తున్న ఈ చిత్రం మే 31న రిలీజ్ కాబోతుంది. మాళవిక శర్మ ఈ మూవీలో హీరోయిన్ గా నటిస్తున్నారు. శ్రీ సుబ్రహ్మణ్యేశ్వర సినిమాస్ పతాకం పై సుమంత్ జి నాయుడు నిర్మిస్తున్న ఈ మూవీని పాన్ ఇండియా వైడ్ రిలీజ్ చేయబోతున్నారు. చైతన్ భరద్వాజ్ ఈ సినిమాకి మ్యూజిక్ చేస్తున్నారు.

Also read : Tabu : హాలీవుడ్ సూపర్ హిట్ సిరీస్‌లోకి టబు ఎంట్రీ.. ‘డూన్’ ప్రీక్వెల్‌లో ముఖ్య పాత్ర..