టాలీవుడ్ స్టార్ హీరో మహేష్ బాబు, దర్శక దీరుడు ఎస్ఎస్ రాజమౌళి కాంబినేషన్ లో ఒక ప్రాజెక్టు రాబోతోంది అంటూ ఎప్పటినుంచో వార్తలు వినిపిస్తున్న విషయం తెలిసిందే. ఈ మూవీ కోసం టాలీవుడ్ నుంచి హాలీవుడ్ వరకు చాలామంది ఎదురుచూస్తున్నారు. ఇక ఈ సినిమాని ఇండియానా జోన్స్ లాంటి కథతో అమెజాన్ ఫారెస్ట్ నేపథ్యంలో రాజమౌళి రూపొందించబోతున్నారు. ఇదే విషయాన్ని అధికారీకంగా ప్రకటించిన విషయం తెలిసిందే. ప్రస్తుతం మహేష్ ఈ సినిమాలో నటించడానికి సిద్ధమవుతుండగా మరొకవైపు దర్శకుడు రాజమౌళి ఈ సినిమాకు సంబంధించిన స్క్రిప్ట్ పనులను చూసుకుంటూ బిజీ బిజీగా ఉన్నారు.
ఇది ఇలా ఉంటే ఇటీవల కాలంలో మహేష్ జక్కన్న కాంబినేషన్లో రాబోతున్న సినిమా గురించి అనేక రకాల వార్తలు సోషల్ మీడియాలో వినిపిస్తున్నాయి. అందులో భాగంగానే తాజాగా ఈ సినిమాలో మహేష్ బాబు క్యారెక్టర్ కి సంబంధించి ఒక వార్త సోషల్ మీడియాలో వైరల్ గా మారింది. ఈ సినిమాలో మహేష్ పాత్ర చాలా ఇంటెన్స్‌గా ఉంటుందట. సాలిడ్ వేరియేషన్స్‌తో మస్త్ షేడ్స్ ఉన్న పాత్రలో మహేశ్ కనిపిస్తారని టాక్. అయితే ఇప్పటివరకూ మహేశ్ ఇలాంటి పాత్రే చేయలేదని ఆ రేంజ్‌లో హైలెట్‌గా క్యారెక్టర్ ఉంటుందట.
ఇక ఈ సినిమా కోసం తన లుక్ కూడా ఛేంజ్ చేస్తున్నారట మహేశ్ బాబు. ఇక ఈ సినిమాలో క్యాస్టింగ్‌పై కూడా చాలానే వార్తలు వస్తున్నాయి. అలానే ఈ సినిమాకి మహారాజా అనే టైటిల్ కూడా ఖరారు చేసినట్లు ఇటీవల రూమర్స్ వచ్చాయి. అయితే ఈ సినిమాను 2025 మొదలు పెట్టబోతున్నట్లు నిర్మాత గోపాల్ రెడ్డి ఇటీవల ఇంటర్వ్యూలో చెప్పకొచ్చిన విషయం తెలిసిందే. అయితే ఈ సినిమా ఎప్పుడెప్పుడు విడుదల అవుతుందా అని అభిమానుల ఎంతో ఆత్రుతగా ఎదురు చూస్తుండగా, మూవీ మేకర్స్ మాత్రం ఈ సినిమాను అంతకంతకూ లేట్ చేస్తూ వెళ్తున్నారు..