కొరియోగ్రాఫర్-నటుడిగా మారిన రాఘవ లారెన్స్ ఇటీవల “చంద్రముఖి 2″లో నటించిన విషయం తెలిసిందే. ఆయన ఆ మూవీలో ద్విపాత్రాభినయం చేశారు. ఇందుకోసం ఏకంగా ఆయన కోసం రూ. 30 కోట్లు తీసుకున్నట్లు సమాచారం. తమిళ చిత్ర పరిశ్రమలో అతని స్టార్ డమ్ పెరుగుతూ వస్తోంది. “తమిళంలో ప్రముఖ హీరోలలో లారెన్స్ ఒకరు. అందుకే తన రెమ్యూనరేషన్ ను భారీగా పెంచేశారు. తమిళం, తెలుగు, కన్నడ, మలయాళ భాషల్లో భారీ బడ్జెట్‌తో తెరకెక్కుతున్న చిత్రం కావడంతో ఆయన రూ. 30 కోట్లు తీసుకున్నారు’’ అని చెన్నైకి చెందిన మీడియా చెబుతోంది.
నిజానికి మెగాస్టార్ చిరంజీవికి హిట్లర్, ముఠామేస్త్రీ, ఠాగూర్ వంటి సినిమాల్లో పాటలకు కొరియోగ్రఫీ చేసి టాలీవుడ్‌లో తనకంటూ ఓ ప్రత్యేక స్థానాన్ని ఏర్పరచుకున్న లారెన్స్ ఆ తర్వాత తెలుగులో ‘స్టైల్’ సినిమాతో నటుడిగా, దర్శకుడిగా మారారు. నాగార్జున వంటి తెలుగు స్టార్లను డైరెక్ట్ చేశాడు. ‘మాస్’ ‘డాన్ వంటి హిట్ చిత్రాలను తెలుగు ప్రేక్షకులకు అందించాడు. ఇక సూపర్ స్టార్ ప్రభాస్‌తో తెలుగు చిత్రం ‘రెబల్’ కోసం కూడా కలిసి పనిచేశాడు. కానీ అది ఆశించిన స్థాయిలో ఆడలేదు.
ఇంతలో కోలీవుడ్‌లో ప్రముఖ నటుడుగా దర్శకుడిగా మారాడు. ‘ముని’ మరియు ‘కాంచన’ వంటి హిట్‌లను అందించాడు. హారర్ థ్రిల్లర్‌లతో కొత్త ఎత్తులను పరిచయం చేశాడు. “లారెన్స్ ఇతర దర్శకులతో కూడా సినిమాలు చేస్తూ కమర్షియల్ హీరోగా పేరు తెచ్చుకుంటున్నాడు. తన కొత్త పే చెక్‌తో కోలీవుడ్‌లోని కార్తీ, విశాల్ మరియు విక్రమ్ వంటి తమిళ స్టార్‌ల లిస్ట్‌లో చేరడంలో సందేహం లేదు.