Samantha: కొత్త వర్క్ మొదలు పెట్టబోతున్న సమంత.. నెట్టింట వీడియో వైరల్?

Mixcollage 12 Feb 2024 09 07 Am 1592

టాలీవుడ్ స్టార్ హీరోయిన్ సమంత గురించి ప్రత్యేకంగా పరిచయం అక్కర్లేదు. సమంత ప్రస్తుతం మయోసైటిస్ అనే వ్యాధితో బాధపడుతున్న విషయం తెలిసిందే. ఈ మేరకు గత ఏడాది ఆమె నటించిన ఖుషి సినిమా ప్రమోషన్స్ సమయంలో దాదాపు సినిమాలకు ఏడాది పాటు బ్రేక్ ఇవ్వనున్నట్లు తెలుపుతూ ఒక్కసారిగా షాక్ ఇచ్చింది సమంత. ఇక చెప్పినట్టుగానే అప్పటి నుంచి సినిమాలకు దూరంగా ఉంటూ తన ఆరోగ్యం విషయంలో పూర్తిగా జాగ్రత్తలు వహిస్తూ వస్తోంది. అలాగే తన బిజినెస్ లపై కూడా ఫోకస్ చేయాలని కొన్ని రోజులు సినిమాలకు దూరంగా ఉంటానని ప్రకటించింది.

సమంత చివరగా ఖుషి సినిమాతో ప్రేక్షకులని పలకరించిన విషయం తెలిసిందే. సమంత ఖుషి సినిమా తర్వాత ముందుగా ఒప్పుకున్న సినిమాలకు సంబంధించిన అడ్వాన్సులను కూడా వెనక్కి ఇచ్చేసి మరి లాంగ్ లీవ్ తీసుకున్న విషయం తెలిసిందే. దాంతో సామ్ ఆరోగ్యం ఎప్పుడు కుదుటపడి మళ్ళీ సినిమాలలోకి రీఎంట్రీ ఇస్తుందా అని అభిమానులు ఎంతో ఆత్రుతగా ఎదురుచూస్తున్నారు. అయితే ప్రస్తుతం సమంత చేతిలో కొత్త సినిమాలు ఏమి లేవు. కొత్త సినిమాలేవీ ఓకే చేయలేదు. సిటాడెల్ వర్క్ పూర్తవ్వడంతో త్వరలోనే ఈ సిరీస్ తో ప్రేక్షకుల ముందుకి రాబోతుందని తెలుస్తోంది. ఇక నిర్మాతగా కూడా సమంత ఓ నిర్మాణ సంస్థని స్థాపించి సినిమాలు తీయబోతున్నాను అని ప్రకటించింది. సమంత హీరోయిన్ గా మాత్రం ఇప్పట్లో సినిమాలు వచ్చేలా కనపడట్లేదు.

ఇది ఇలా ఉంటే తాజాగా తన ఇన్‌స్టాగ్రామ్ లో సమంత ఒక వీడియోని పోస్ట్ చేసింది సామ్. ఈ వీడియోలో సమంత మాట్లాడుతూ.. నేను మళ్ళీ వర్క్ చేయబోతున్నాను. ఒక హెల్త్ పాడ్‌కాస్ట్ ని మొదలుపెట్టబోతున్నాను. ఇది ఎవరూ ఊహించి ఉండకపోవచ్చు. ఇది నేను ఇష్టపడి చేయాలనుకుంటున్నాను. వచ్చే వారం నుంచి ఈ హెల్త్ పాడ్‌కాస్ట్‌లు రిలీజ్ అవుతాయి. మీలో చాలామందికి ఇవి ఉపయోగపడతాయి అనుకుంటున్నాను. ఈ పాడ్‌కాస్ట్ చేయడంలో నేను చాలా ఆనందించాను అని తెలిపింది. ఆ వీడియో సోషల్ మీడియాలో తెగ వైరల్ అవుతోంది. అందులో క్యూట్ ఎక్స్ప్రెషన్స్ తో నవ్వుతూ చెప్పుకొచ్చింది. ఆ వీడియోని చూసిన అభిమానులు ఎక్స్ప్రెషన్స్ క్యూట్ సమంత చాలా క్యూట్ గా ఉంది అంటూ కామెంట్ చేస్తున్నారు.