Samantha Tweet: రేపటి మీ తీర్పు కోసం ఉత్కంఠగా ఎదురుచూస్తున్నా: సమంత ట్వీట్

Sam

సమంత తెలుగు తెరపై ఓ సంచలనం. కమర్షియల్ హీరోయిన్ గానే కాకుండా, ప్రయోగాత్మక సినిమాలు సినిమాలు చేసి తానేంటో ప్రూవ్ చేసుకుంది. ఇక పుష్ప సినిమాలో ఐటెం సాంగ్ లో బోల్డ్ గా నటించి అటు టాలీవుడ్, ఇటు బాలీవుడ్ ఓ ఊపు ఊపేసింది. అంతేకాదు.. మహిళా ప్రాధాన్యత ఉన్న ఎన్నో పాత్రల్లో నటించి ప్రేక్షకుల అభినందనలను అందుకుంది. ఆమె తాజా చిత్రం ‘యశోద’ రేపు ప్రేక్షకుల ముందుకు వస్తోంది.

ఈ సందర్భంగా ఆమె ట్విట్టర్ ద్వారా స్పందించింది. ఎంతో ఉత్కంఠగా ఉన్నానని సామ్ తెలిపింది. ఇంకొక్క రోజు మాత్రమే ఉందని చెప్పింది. మీ అందరికీ ‘యశోద’ నచ్చాలని గట్టిగా కోరుకుంటున్నానని తెలిపింది. రేపటి మీ తీర్పు కోసం నా మాదిరే ఎదురు చూస్తున్న నా దర్శకులు, నిర్మాతలు, తారాగణం, మొత్తం సిబ్బందికి శుభాకాంక్షలు చెపుతున్నానని ట్వీట్ చేసింది.

సమంత యశోదతో పాటు పలు పెద్ద ప్రాజెక్టులకు కమిట్ అయిన విషయం తెలిసిందే. విజయ్ దేవరకొండతోనూ ఖుషి అనే సినిమాలోను హీరోయిన్ గా నటిస్తోంది సమంత. అయితే ఈ సినిమా విడుదలకు ముందే ఆసక్తిరేపుతోంది. ఇతర సినిమాలతో కంపేర్ చేస్తే ఖుషి సినిమాకు డిజిటల్ రైట్స్, ఇతర రైట్స్ కోట్లలో అమ్ముడుపోయింది.